Станіслаў Казімер Радзівіл

Станіслаў Казімер Радзівіл
	Станіслаў Казімер Радзівіл
	; Герб «Трубы»
Асабістыя зьвесткі
Нарадзіўся	1648
Памёр	8 сьнежня 1690
Род	Радзівілы
Бацькі	Міхал Караль Радзівіл; Ізабэла Кацярына з Сапегаў
Жонка	Марыя Кацярына дэ Бецюн

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Станіслаў Радзівіл (неадназначнасьць).

Станіслаў Казімер Радзівіл (1648 — 8 сьнежня 1690) — дзяржаўны дзяяч Вялікага Княства Літоўскага. Стольнік (1670—1680) і маршалак вялікі літоўскі (з 1680).

Валодаў Ішкальдзю, Лысіцай, Лахвай, Чучэвічамі і часткай Нягневічаў у Наваградзкім павеце, а таксама часткай Налібакаў у Менскім павеце і інш. Ардынат на Клецку (1683)^[1].

Біяграфія[рэдагаваць | рэдагаваць крыніцу]

Зь нясьвіскай лініі роду Радзівілаў, сын Міхала Караля, падчашага вялікага літоўскага, і Ізабэлы Кацярыны з Сапегаў.

Навучаўся ў Нясьвіжы, Ліёне, падарожнічаў у Францыю, Ангельшчыну, Галяндыю, Італію.

Быў генэралам гвардыі Яго Каралеўскай Мосьці, дэлегатам на соймах 1664—1665, 1670, 1678—1679 гадоў. У 1670 годзе атрымаў урад стольніка вялікага літоўскага, у 1680 годзе — маршалка вялікага літоўскага.

Заснаваў кляштар дамініканаў у Клецку.

21 траўня 1690 году ажаніўся з францускай маркізай Марыяй Кацярынай (1677—1721), дачкой францускага амбасадара маркіза Франсуа Гастона дэ Бецюна (1638—1692) і Людвікі Марыі дэ Лагранж д’Арк’ен (каля 1638—1728), пляменьніцы каралевы і вялікай княгіні Марыі Казімеры Сабескай. Шлюб быў бязьдзетным.

З прычыны адсутнасьці нашчадкаў па ягонай сьмерці Клецкая ардынацыя перайшла да ардыната на Нясьвіжы Д. М. Радзівіла^[2].

Галерэя[рэдагаваць | рэдагаваць крыніцу]

Іканаграфія Станіслава Казімера Радзівіла
Невядомы мастак, каля 1709
З альбома «Выявы роду Радзівілаў». Г. Ляйбовіч, 1758
М. Старкман, 1857

У картцы да артыкула прыводзіцца партрэт, напісаны каля 1733 году невядомым мастаком, зь Нясьвіскай партрэтнай галерэі, які цяпер захоўваецца ў Нацыянальным мастацкім музэі Беларусі.

Крыніцы[рэдагаваць | рэдагаваць крыніцу]

^ ВКЛ. Энцыкл. — Мн.: 2005 Т. 2. С. 497.
^ ВКЛ. Энцыкл. — Мн.: 2005 Т. 2. С. 498.

Літаратура[рэдагаваць | рэдагаваць крыніцу]

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

Вонкавыя спасылкі[рэдагаваць | рэдагаваць крыніцу]

Станіслаў Казімер Радзівіл — сховішча мультымэдыйных матэрыялаў

[1] ВКЛ. Энцыкл. — Мн.: 2005 Т. 2. С. 497.

[2] ВКЛ. Энцыкл. — Мн.: 2005 Т. 2. С. 498.

[1]

[2]