Сяргей Кілін
Сяргей Кілін | |
| Дата нараджэньня | 18 траўня 1952 (71 год) |
|---|---|
| Месца нараджэньня | Гомель |
| Месца вучобы | БДУ |
| Занятак | фізык |
| Навуковая сфэра | фізыка |
| Месца працы |
|
| Навуковая ступень | доктар фізыка-матэматычных навук[d][1] |
| Навуковы кіраўнік | Барыс Сьцяпанаў |
| Узнагароды |
 |
Сяргей Якаўлевіч Кі́лін (нар. 18 траўня 1952 году ў Гомлі) — беларускі фізык. Акадэмік НАН Беларусі (2014 г., чалец-карэспандэнт ад 2009 г.), доктар фізыка-матэматычных навук (1992), прафэсар (2006)[2]. Намесьнік старшыні Прэзыдыюму Нацыянальнай акадэміі навук Беларусі[3]. Старшыня лябараторыі квантавай оптыкі Інстытуту фізыкі імя Б. І. Сьцяпанава НАНБ[4].
Біяграфія[рэдагаваць | рэдагаваць крыніцу]
Нарадзіўся 18 траўня 1952 году ў Гомлі. Скончыў Беларускі дзяржаўны ўнівэрсытэт у 1974 годзе. Ад 1974 году працуе ў Інстытуце фізыкі імя Б. І. Сьцяпанава НАН Беларусі. Ад 1992 году прафэсар БДУ. У 1994 годзе заняў пасаду загадчыка лябараторыі. Ад 2005 да 2011 году ўзначальваў Беларускае фізычнае таварыства[2]. У 2008 годзе стаў намесьнікам акадэміка-сакратара Аддзяленьня фізыкі, матэматыкі і інфарматыкі НАН Беларусі. У 2009 годзе абраны чальцом-карэспандэнтам НАН Беларусі ў галіне інфармацыйных тэхналёгій. Да 2014 году быў галоўным вучоным сакратаром НАН Беларусі. 2 мая 2014 году прызначаны намесьнікам старшыні прэзыдыюму НАНБ[5]. У лістападзе 2014 году абраны акадэмікам НАН Беларусі[6].
Навуковая дзейнасьць[рэдагаваць | рэдагаваць крыніцу]
Навуковыя працы па квантавай оптыцы ды квантавай інфарматыцы. Распрацаваў тэорыю квантавых флуктуацый пры нелінейна-аптычных узаемадзеяньнях і на яе аснове прадказаў шэраг эфэктаў, якія назіраюцца пры выпрамяненьні фатонаў асобнымі атамамі і малекуламі ў розных навакольлях. Распрацаваў новыя мэтады ды сыстэмы для квантавых інфармацыйных тэхналёгій (квантавых кампутараў ды квантавай крыптаграфіі).
Узнагароды[рэдагаваць | рэдагаваць крыніцу]
- Прэмія Ленінскага камсамолу БССР (1982, за цыкл артыкулаў «Квантавая тэорыя рэзананснага расьсейваньня лазэрнага выпраменьваньня»)
- Дзяржаўная прэмія Рэспублікі Беларусь у вобласьці навукі і тэхнікі (2002, за працы па квантавай оптыцы)
- Мэдаль Францішка Скарыны (2014)[7]
Работы[рэдагаваць | рэдагаваць крыніцу]
Агулам аўтар больш за 460 навуковых работ, у тым ліку 4 манаграфій.
Некаторыя працы:
- Килин, С. Я. Квантовая оптика: Поля и их детектирование. — Мн.: 1990; М., 2003..
- Квантовая криптография: идеи и практика / под ред. С. Я. Килина, Д. Б. Хорошко, А. П. Низовцева. — Мн.: Белорусская наука, 2007. — 392 с. — ISBN 978-985-08-0899-8
- Kilin, S. Ya. Quanta and information // Progress in optics. — 2001. — Vol. 42. — P. 1-90.
- Килин, С. Я. Квантовая информация // УФН. — 1999. — Т. 169. — С. 507—527.
Крыніцы[рэдагаваць | рэдагаваць крыніцу]
- ^ Расейская акадэмія навук — 1724.
- ^ а б Акадэмік КІЛІН Сяргей Якаўлевіч — Нацыянальная акадэмія навук Беларусі
- ^ Александр Лукашенко произвел ряд кадровых назначений в отношении дипмиссий Беларуси за рубежом, вузов и местной вертикали 02/05/2014 — СТВ (рас.)
- ^ Лаборатория квантовой оптики Институт физики НАН Беларуси
- ^ Шчарбакоў, З. (2 мая 2014) Лукашэнка зрабіў кадравыя прызначэнні ў пасольствах, міністэрствах, выканкамах і на прадпрыемствах. БелаПАН. Архіўная копія ад 15 чэрвеня 2021 г.
- ^ У НАН Беларусі выбраны 16 акадэмікаў і 28 членаў-карэспандэнтаў 17.11.2014 БЕЛТА
- ^ Указ Прэзідэнта Рэспублікі Беларусь № 386
- Нарадзіліся 18 траўня
- Нарадзіліся ў 1952 годзе
- Дактары фізыка-матэматычных навук
- Узнагароджаныя мэдалём Францішка Скарыны
- Нарадзіліся ў Гомлі
- Беларускія фізыкі
- Савецкія фізыкі
- Выпускнікі Беларускага дзяржаўнага ўнівэрсытэту
- Акадэмікі Нацыянальнай акадэміі навук Беларусі
- Ляўрэаты Дзяржаўнай прэміі Рэспублікі Беларусь
- Ляўрэаты прэміі Ленінскага камсамолу Беларусі