Уфа-Арэна

Зьвесткі зь Вікіпэдыі — вольнай энцыкляпэдыі
Уфа-Арэна
Краіна
Горад Уфа
Дата адкрыцьця 2007
Зьмяшчальнасьць 8250
Хатняя каманда Салават Юлаеў[d]
Агульны выгляд Уфа-Арэны (2008 год)

Унівэрсальная спартовая арэна «Уфа-Арэна» (па-башкірску: Өфө-Арена) — многафункцыянальны спартова-канцэртны комплекс ва Ўфе, дамашняя арэна расейскага хакейнага клюбу Салават Юлаеў (ад 19 сьнежня 2007 году). Першы матч на арэне адбыўся 27 жніўня 2007 году ў рамках маладзёжнай Супэрсэрыі 2007 паміж хакейнымі зборнымі Расеі і Канады.

Будаўніцтва[рэдагаваць | рэдагаваць крыніцу]

У адрозьненьне ад большасьці новых расейскіх хакейных арэн («Татнафта Арэна», «Арэна Омск», «Арэна Мыцішчы» і інш.) «Уфа-Арэна» была збудаваная толькі сіламі мясцовых будаўнічых арганізацыяў: яе спраектавалі архітэктары архтэктурнай майстэрні № 1 ЗАТ «Праектны інстытут «Башкірграмадзянпраект» Ільдар Фанісовіч Ібрагімаў і Ўладзімер Мікалаевіч Савенка, а ў якасьці генэральнага падрадчыка выступіў будаўнічы трэст ААТ «КПД». Здача «Уфа-Арэны» была прымекаваная да сьвяткаваньня 450-годзьдзя далучэньня Башкірыі да Расеі.

Другая чарга[рэдагаваць | рэдагаваць крыніцу]

Арыгінальны праэкт УСА «Уфа-Арэна» прадугледжваў будаўніцтва другой чаргі: крытага катка з трыбунамі на 640 гледачоў і многаўзроўневай аўтапаркоўкі[1]. Урачыстае адкрыцьцё другой чаргі «Уфа-Арэны» адбылося 20 лістапада 2011 году. У мерапрыемстве прынялі ўдзел Прэзыдэнт Рэспублікі Башкартастан Рустэм Хамітаў, прадстаўнікі кіраўніцтва ААТ АНК «Башнафта», мэр Уфы Павел Качкаеў. У рамках Пагадненьня паміж Акцыянэрнай фінансавай карпарацыяй «Сыстэма» і ўрадам Рэспублікі Башкартастан Група кампаній «Башнафта» прафінансавала больш за 20 % кошту будаўніцтва другой чаргі «Уфа-Арэна». За два гады на гэтыя мэты было накіравана 105 млн расейскіх рублёў.

Архітэктура[рэдагаваць | рэдагаваць крыніцу]

Комплекс «Уфа-Арэна» складаецца з дзьвюх лядовых пляцовак: галоўнай на 8070 гледачоў і малой на 640 гледачоў. На першым паверсе Арэны разьмяшчаюцца пакоі адпачанку для спартоўцаў і трэнерскага складу, бокс для судзейскага корпуса, саўна, масажны пакой, памяшканьне для заточкі канькоў, гараж для дзьвюх лёдазалівачных машын Olympia, кабінэт медагляда і допінг-кантролю. Арэна складаецца з чатырох ярусаў: уваход на сэктары ажыцьцяўляецца праз другі, трэці і чацьвёрты ярус. Паміж другім і чацьвёртым ярусамі знаходзяцца VIP-ложах, месцы для інвалідаў-калясачнікаў, камэнтатарскія кабіны, ложа прэсы і рэстаран. У сьнежні 2016 году праведзеная замена куба.

Характарыстыкі[рэдагаваць | рэдагаваць крыніцу]

Галоўная арэна[2]
  • Агульная плошча — 29 070 м²
  • Колькасьць глядацкіх месцаў — 8070
  • Наземная паркоўка на 996 машынамесца
Прыбудова да УСА «Уфа-Арэна»[2]
  • Агульная плошча — 8300 м²
  • Колькасьць глядацкіх месцаў — 640
  • Крытая аўтастаянка на 222 машынамесца

Найбуйнейшыя спартыўныя падзеі[рэдагаваць | рэдагаваць крыніцу]

Мінулыя[рэдагаваць | рэдагаваць крыніцу]

2007
  • 27-28 жніўня — Матчы маладзёжнай Супэрсэрыі Расея — Канада
  • 10-11 кастрычніка — VI чэмпіянат Сьвету па барацьбе на паясах (курэш)
2008
2011
2013
  • 5 студзеня — Моладзевы чэмпіянат Сьвету па хакеі. У матчы за трэцяе месца Зборная Расеі вырвала перамогу ў зборнай Канады (6:5 ОТ), заваяваўшы бронзавыя мэдалі. У фінальным матчы зборная ЗША ўзяла верх над зборнай Швэцыі — 3:1.
  • VI Зімнія міжнародныя дзіцячыя гульні. Хакейны турнір.
2014
  • Жнівень — Кубак сьвету па хакеі сярод моладзевых каманд
2017
  • Студзень — Матч зорак КХЛ
2018
  • Чэрвень — этап валейбольнай Лігі нацыяў

Цікавыя факты[рэдагаваць | рэдагаваць крыніцу]

  • «Уфа-Арэна» пабудаваная на месцы хакейнай каробкі стадыёна «Праца» з натуральным льдом, на якой у 1960-я гады хакейная каманда Спартыўны клюб Салавата Юлаева правяла дэбютныя для сябе міжнародныя матчы[3].
  • «Уфа-Арэна» зьяўляецца самым вялікім спартовым збудаваньнем са штучным льдом у Башкартастане.

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Второй зал "Уфа-Арены" заработает в декабре 2011 года (рас.) Архіўная копія ад 16 лютага 2012 г.
  2. ^ а б Уфа-Арена (рас.). ЗАО «Башкиргражданпроект».
  3. ^ Бакулин, В. Уфа-Арена: долгожданный дебют (рас.). Чемпионат.ру. Архіўная копія ад 22 сьнежня 2007 г.

Вонкавыя спасылкі[рэдагаваць | рэдагаваць крыніцу]