Фара Вітаўта (Берасьце)
Касьцёл Сьвятога крыжа і Ўзьнясеньня Сьвятой Панны Марыі або Фара Вітаўта — рымска-каталіцкі храм у Берасьці, заснаваны вялікім князем Вітаўтам. Пазьней таксама згадваецца як касьцёл Сьвятога Крыжа і Сьвятой Ганны.
Як і іншыя помнікі архітэктуры Берасьця, зьнішчаны расейскімі ўладамі пры будаўніцтве Берасьцейскай фартэцыі.
Гісторыя
- 1389 год — узьнікненьне першай берасьцейскай каталіцкай парафіі.
- 1412 год — пачатак будаўніцтва мураванага (?) каталіцкага храма на вуліцы Нямецкай, на адным з бакоў Рынкавай плошчы. На думку іншых дасьледнікаў касьцёл заставаўся драўляным ажно да XVIII ст.[1]
- 1766 год — пачатак ўзьвядзеньня новага мураванага касьцёла.
- 1769 год — асьвячэньне новазбудаванага касьцёла.
- 1806 год — функцыі мескай Фары перайшлі да езуіцкаму касьцёлу, бо сам Фарны касьцёл быў дрэнна збудаваны і меў слабыя падмуркі.
- 1808 год — абодва храмы (Фара і езуіцкі) згарэлі.
Відаць, стан Фарнага касьцёла быў настолькі дрэнны, што расейскія ўлады яго ў далейшым ня ўлічвалі і разабралі пры будаўніцтве фартэцыі.
Крыніцы
- ^ Габрусь Т. Зруйнаваныя святыні // Страчаная спадчына. — Менск, 2003. С. 125.
Літаратура
- Памяць: Гіст.-дакум. хроніка Брэста. У 2-х кн. Кн. 1. — Мн.: БЕЛТА, 1997. — 576 с. ISBN 985-6302-05-6.
- Страчаная спадчына / Т. Габрусь, А. Кулагін, Ю. Чантурыя, М. Ткачоў: Уклад. Т. Габрусь. — Менск: Беларусь, 2003. — 351 с.: іл. ISBN 985-01-0415-5.