Электракардыяграфія

Зьвесткі зь Вікіпэдыі — вольнай энцыкляпэдыі
Электракардыяграма ў 12 стандартных адводах мужчыны 26 год, без паталёгіі

Электракардыяграфія — мэтодыка рэгістрацыі і дасьледаваньня электрычных палёў, якія ўтвараюцца пры працы сэрца. Электракардыяграфія ўяўляе сабой адносна недарагі, але каштоўны метад электрафізыялягічнай інструмэнтальнай дыягностыкі ў кардыялёгіі.

Прамым вынікам электракардыяграфіі зьяўляецца атрыманьне электракарыёграмы (ЭКГ) — графічнага прадстаўлення рознасьці патэнцыялаў, якія ўзьнікаюць у выніку працы сэрца і праводзяцца на паверхню цела. На ЭКГ адлюстроўваецца асерадненьне ўсіх вэктараў патэнцыялаў дзеяньні, якія ўзьнікаюць у пэўны момант працы сэрца.