Enej

	Enej
	; Гурт у 2012 годзе
Інфармацыя
Гады	з 2002
Адкуль	Ольштын, Польшча
Мова	украінская, польская
Жанр(ы)	фольк-рок; ска; джаз; рэгі
Выдавец	Lou&Rocked Boys; Rockers Publishing
Удзельнікі
	Пётар Саладуха; Міраслаў Ортынскі; Павал Саладуха; Яцэк Грыгаровіч; Лукаш Пшыбароўскі; Гжэсек Лапінскі; Якуб Чапляевіч;
	enej.pl

Enéj — польскі рок-гурт, заснаваны ў 2002 годзе ў Ольштыне братамі Пятром і Паўлам Саладухамі і іх сябрам Лукашам Койрысам, які стаў мэнэджарам гурту. Музыка Enejа гэта альтэрнатыўны рок, які інсьпіраваны ўкраінскай народнай музыкай^[1], паколькі большасьць складу гурту мае ўкраінскія карані^[1]. Дадаткова ў музыцы Enejа можна знайсьці элемэнты ска, рэгі і джазу. Назва гурту паходзіць ад галоўнага героя «Энэіды» Івана Катлярэўскага. Песьні гурту гучаць на ўкраінскай і польскай мовах.

Гісторыя[рэдагаваць | рэдагаваць крыніцу]

Гурт Enej сфармаваны ў 2002 годзе ў Ольштыне^[2]. Першапачаткова творчасьць калектыву была пабудавана вакол украінскай народнай музыкі^[1]. З 2005 году гурт пачаў фармаваць свой уласны стыль, у суполцы зьявіліся новыя музыкі і інструмэнты. У 2006 годзе Enej прыняў ўдзел у фэстывалі Union of Rock у Вэнгожава, дзе атрымаў ўзнагароду журналістаў. У гэтым жа годзе калектыў атрымаў таксама ўзнагароды на фэстывалях Fiesta Borealis ў Алецка і Kierunek Olsztyn.

У 2007 годзе гурт запісаў афіцыйны гімн студэнцкага сьвята Картавіяда.

20 кастрычніка 2008 году выйшаў першы сынгл гурту — Ulice, які папярэдзіў аднайменны дэбютны альбом, што выйшаў 17 лістапада 2008 году. Альбом запісаны і выдадзены Польскім радыё Ольштын і Lou&Rocked Boys.

10 сакавіка 2009 году выйшаў другі сынгл — Komu.

У 2010 годзе Enej выступіў у паўфінале фэстывалю Przystanek Woodstock.

12 лістапада 2010 году выйшаў другі альбом — Folkorabel.

7 траўня 2011 году Enej перамог у забаўляльнай музычнай праграме Must Be the Music.

16 лістапада 2012 году выйшаў трэці альбом гурту — Folkhorod.

22 студзеня 2014 году студыя гуказапісу Lou&Rocked Boys апублікавала на сэрвісе Youtube песьню «Brat za brata»^[3], прадукт супрацоўніцтва Enejа з гуртамі Kozak System і Maleo Reggae Rockers, як дэманстрацыю салідарнасьці з украінскім грамадзтвам, якое змагалася на Майдане Незалежнасьці ў Кіеве за свабоду і дэмакратыю.

Удзельнікі[рэдагаваць | рэдагаваць крыніцу]

Актуальны склад

Пётар Саладуха — вакал, баян
Міраслаў Ортынскі — басовая гітара, вакал
Павал Саладуха — ударныя
Яцэк Грыгаровіч — электрычная гітара
Лукаш Пшыбароўскі — труба
Гжэсек Лапінскі — саксафон
Якуб Чапляевіч — трамбон

Былыя ўдзельнікі

Марцін Мах — электрычная гітара
Мацей Хаўскі — кларнэт
Бартэк Бонк — труба
Пётар Жарнох — трамбон
Міхал Кавальскі — клявішныя
Аляксандар Астроўскі — вакал, бубен
Войцех Морэлёўскі — труба

Дасягненьні[рэдагаваць | рэдагаваць крыніцу]

Сынгл «Radio Hello»^[4] ў 2011 годзе заняў першае месца ў чатырох польскіх чартах.
Сынгл «Skrzydlate ręce»^[5] ў 2012 годзе заняў першае месца ў чатырох польскіх чартах.