McDonnell Douglas

Зьвесткі зь Вікіпэдыі — вольнай энцыкляпэдыі
McDonnell Douglas
Выява лягатыпу
Тып Публічная кампанія
Заснаваная Сэнт-Люіс, ЗША
1967 году
1997 годзе - зьліяньне з Boeing
Краіна
Разьмяшчэньне Сэнт-Люіс, ЗША
Закрытая 1996[1]
Галіна Авіябудаўніцтва, Машынабудаўніцтва
Прадукцыя рэгіянальныя пасажырскія самалёты, бізнэс-самалёты, вучэбна-трэніровачныя самалёты
Лік супрацоўнікаў 63 000
Матчына кампанія Boeing[d]
Даччыныя кампаніі UGS Corp.[d]
F-15 Eagle

McDonnell Douglasамэрыканская авіябудаўнічая кампанія, заснаваная ў Сэнт-Люісе, штат Місуры. Заснаваная ў 1967 року ў выніку зьліцьця авіябудаўнічых кампаніяў McDonnell Aircraft Corporation і Douglas Aircraft Company. Адзін з найбуйнейшых вытворцаў камэрцыйных авіялайнэраў і вайсковых самалётаў другой паловы XX стагодзьдзя. У 1997 року аб’яднаная з Boeing у Boeing Company — найбуйнейшую сусьветную аэракасьмічную карпарацыю.

Пасьля зьліцьця дзьвюх кампаніяў у 1967 утварыўся вайскова-прамысловы гігант, які забясьпечваў баявымі самалётамі арміі ўсяго сьвету. McDonnell Douglas распрацаваў і стаў выпускаць F-15 Eagle — зьнішчальнік, які стаў асноўным баявым самалётам ВПС ЗША.

ВС-10 — найбольш вядомы ў сьвеце самалёт кампаніі, якому належаць рэкорды ў далёкасьці палётаў

У 1970-я кампанія прадставіла авіялайнэр DC-10. McDonnell Douglas была таксама асноўным распрацоўшчыкам амэрыканскай касьмічнай станцыі Скайлэб (Skylab), якая была запушчаная на арбіту ў 1973 годзе. У 1984 годзе кампанія купіла Hughes Helicopters, каб вырабляць баявыя гелікоптэры AH-64 Apache.

У 1980-я рокі доля камэрцыйных самалётаў у агульным абароце кампаніі складала толькі чацьвёртую частку. З заканчэньнем халоднай вайны і памяншэньнем аб’ёмаў вайсковых замоваў для McDonnell Douglas прыйшлі цяжкія часы. З 1990 па 1994 рокі абароты кампаніі ўпалі на 25%. Гэта прымусіла яе хутка зьвярнуцца да рынку камэрцыйных самалётаў. На гэты момант лінейку такіх машын складалі:

  • шырокафюзэляжны трохматорны MD-11, здольны перавозіць да 410 пасажыраў на вялікія адлегласьці;
  • MD-80 — невялікі сярэднемагістральны самалёт, які пачаў лётаць у 1980 року;
  • MD-90 — сярэднемагістральны лайнэр, выпускаецца з 1995 року.

Акрамя таго кампанія пачала прымаць замовы на выпуск лёгкага сярэднемагістральнага самлёту MD-95, які пачаў выпускацца ўжо пад назвай Боінг-717, з-за таго што McDonnell Douglas злучылася з карпарацыяй Boeing у 1997 року з прычыны фінансавых цяжкасьцяў у першай.

Вонкавыя спасылкі[рэдагаваць | рэдагаваць крыніцу]

McDonnell Douglasсховішча мультымэдыйных матэрыялаў

  1. ^ https://siris-thesauri.si.edu/ipac20/ipac.jsp?session=16U6U455A4852.1745&profile=planes&source=~!sithesauri&uri=full=3100001~!1084~!0&term=Boeing&index=DOAMNB