Nokia Morph

Зьвесткі зь Вікіпэдыі — вольнай энцыкляпэдыі

Nokia Morph быў прадстаўлены 25 лютага 2008 году ў Музэі сучаснага мастацтва ў Нью-Ёрку. Ён быў распрацаваны як супольны праект мабільнага тэлефону навукова-дасьледчага цэнтру Nokia і Кембрыдзкага ўнівэрсытэту.

Гэты тэлефон зьяўляецца дэманстрацыяй магчымасьцяў нанатэхналёгіяў у галіне стварэньня расьцяжных матэрыялаў, транспарэнтнай электронікі і самаачысьційных паверхняў для мабільных прылад[1]. З дапамогай нанатэхналёгіяў тэлефон здольны вывесьці індустрыю маільных тэлефонаў на новы ўзровень і задаволіць новыя запатрабаваньні карыстачоў[2].

Доктар Тапані Рыханэн, кіраўнік навукова-дасьледчай лябараторыі Кембрыджу ў Вялікабрытаніі, пракамэнтаваў: «Мы спадзяемся, што гэтая камбінацыя мастацтва і навукі будзе дэманстрацыяй патэнцыялу нананавукі для шырокай аўдыторыі. Тэхналёгіі, якія мы распрацоўваем, могуць у адзін дзень стаць новымі магчымасьцямі з пункта гледжаньня дызайну і функцыянальнасьці мабільных прылад».

Элемэнты Nokia Morph могуць быць даступныя для інтэграцыі ў партатыўныя прылады на працягу 7 гадоў. Першапачаткова плянуецца продаж дадзеных прылад па высокім кошце, аднак нанатэхналёгіі здольныя зрабіць масавы выпуск дадзеных прылад вельмі танным і прывесьці да значнага паніжэньня іх кошту ў раздробным продажы.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]