Opera

Зьвесткі зь Вікіпэдыі — вольнай энцыкляпэдыі
Opera
Распрацоўка Opera Software ASA
Апошняя вэрсія 12.15 (04 красавіка 2013 г.; 10 гадоў таму)
АС Кросплятформавая
Тып Браўзэр
Ліцэнзія Прапрыетарная
Афіцыйная старонка opera.com (рас.)

Opera (па-беларуску: Опэра) — бясплатны азіральнік сеціва з крос-плятформавым ядром.

Працуе ў асяродзьдзі Windows, Mac OS X, Лінукс, FreeBSD, Solaris, а таксама на мабільных плятформах Symbian, Java ME. Opera таксама адзіны браўзэр для гульнявых прыставак Нінтэнда. У 2009 годзе колькасьць карыстальнікаў Опэры дасягнула 40 мільёнаў чалавек, дзякуючы прадусталяванасьці на такіх мабільных прыладах, як сотавыя тэлефоны, смартфоны і кішэнныя кампутары. Існуе ў перакладзе й на беларускую мову[1].

Магчымасьці[рэдагаваць | рэдагаваць крыніцу]

На 2022 год у азіральніку «Опэра» існавала магчымасьць выбару «прыватнага вакна», што дазваляла вычышчаць гісторыю наведваньняў аўтаматычна. Таксама «Опэра» мела ўбудаваны пераключальнік-паўзунок «VPN» (віртуальнай прыватнай сеткі) для імгненнага ўключэньня і выключэньня доступу праз проксі-сэрвэр у Швэцыі паводле змоўчаньня або ў ЗША на выбар. Гэта дазваляла праглядаць старонкі, даступныя ў Беларусі толькі празь віртуальную прыватную сетку (ВПС). Такія самыя магчымасьці існавалі ў мабільным выданьні «Опэры» для смартфонаў на апэрацыйных сыстэмах «Андроід» і «iOS»[2].

Мінуўшчына[рэдагаваць | рэдагаваць крыніцу]

У красавіку 1994 году навукоўцы дасьледніцкай лябараторыі нарвэскага прадпрыемства, цяпер вядомага як Тэленор, Ён Тэчнер і Хейр Іваршы пачалі стварэньне арыгінальнага азіральніка сеціва для настольных кампутараў. Першае выданьне праграмы зьмяшчала аснову для выкарыстаньня ўкладак, якія дазваляюць загружаць і праглядаць адначасова некалькі вэб-старонак у адным вакне браўзэра.

У 2001 годзе Opera пачала падтрымліваць прыладу жэсты мышы, якая палепшыла навігацыю ў сеціве, сыстэму хуткага набору, якая дазваляе хутка адчыняць сайты з галоўнай панэлі браўзэра, і мэханізм сынхранізаваньня. У 2009 годзе браўзэр стаў падтрымліваць сьцісканьне зьместу вэб-старонак, што дазволіла хутчэй іх загружаць. Браўзэр падтрымлівае наступныя магчымасьці:

  1. паштовы кліент;
  2. адрасная кніга;
  3. файлаабменная сетка BitTorrent;
  4. стужкі навінаў;
  5. IRC;
  6. кіраваньне запампоўкамі;
  7. падтрымка пратаколу бяздротавых праграмаў[3].

Дзявятае выданьне[рэдагаваць | рэдагаваць крыніцу]

20 чэрвеня 2006 году пабачыла сьвет дзявятае выданьне браўзэра зь перакладам на 25 моваў[4] і наступнымі новымі ўласьцівасьцямі:

  1. падтрымка файлаабмену праз сетку BitTorrent;
  2. падтрымка фішак (убудоваў);
  3. магчымасьць дадаваць пошукавікі[5].

Дзясятае выданьне[рэдагаваць | рэдагаваць крыніцу]

1 верасьня 2009 году выйшла Opera 10 зь перакладам на 43 мовы і наступнымі зьменамі:

  1. падтрымка вызначэньня хуткасьці перадачы дадзеных і ў выпадку яе паніжэньня сьціску зьместу вэб-старонкі для хутчэйшага адкрыцьця;
  2. паменшаныя малюнкі вэб-старонак на панэлі з укладкамі пры апусканьні яе ніжняе мяжы;
  3. магчымасьць наладкі панэлі, што адлюстроўвае наведаныя вэб-старонкі;
  4. аўтаматычная загрузка абнаўленьняў;
  5. праверка правапісу на аснове адчыненага слоўніка Hunspell, які падтрымлівае 51 мову[6].

Крыніцы[рэдагаваць | рэдагаваць крыніцу]

  1. ^  (анг.)Opera Download// Сайт «Opera». Дата доступу: 1 верасьня 2009
  2. ^ Самы зручны VPN. Расказвае практык // Партал «Наша ніва», 9 студзеня 2022 г. Праверана 15 студзеня 2022 г.
  3. ^ Браўзэру Opera споўнілася 15 гадоў// Беларускія навіны ІТ. 28 красавіка 2009
  4. ^ Jon Tetzchner Your Web, Your Choice: Opera 9 Gives You the Control (анг.). Opera Software. Праверана 23 верасьня 2009 г.
  5. ^ Jim Rapoza Opera 9 Is Music to eWEEK Labs Ears (анг.). eWeek. Праверана 10 ліпеня 2006 г.
  6. ^ Выйшла фінальная версія Opera 10// Беларускія навіны ІТ. 1 верасьня 2009

Вонкавыя спасылкі[рэдагаваць | рэдагаваць крыніцу]