Азартная гульня

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Картнікі-шулеры. Караваджа, 1594

Азартная гульня (франц. jeu de hasard, літаральна «гульня выпадка») — гульня, у якой выйгрыш цалкам альбо ў значнай ступені залежыць не ад майстэрства гульцоў, а ад выпадка. Гульня, у якой выйгрыш у асноўным залежыць ад майстэрства гульцоў, азартнай не зьяўляецца нават пры наяўнасьці элемэнтаў выпадковасьці, як то прэфэранс альбо покер. Звычайна, у азартныя гульні гуляюць на грошы, гэта значыць што ўзнагародай за выйгрыш зьяўляецца матэрыяльны здабытак, тады як пройгрыш караецца матэрыяльнай стратай.

Слова «азарт» гэта пераклад францускага слова hazard, што азначае «выпадак». Таму азартныя гульні ёсьць гульні, пабудаваныя на выпадку. Невыпадкова азартныя гульні называліся даўней фатальнымі альбо адважнымі гульнямі й супрацьпастаўляліся камэрцыйным альбо сталым гульням. У эўрапейскіх мовах азартныя гульні так і называюцца: гульні выпадку.

У сэнсе гульні на грошы азартнай можа быць любая гульня, у тым ліку цалкам лягічныя й невыпадковыя, як то шахматы альбо го. У такім разуменьні азарт азначае ўпартасьць, ўзбуджэньне. Гульня на грошы зьяўляюцца спосабам ўзбагачэньня для адных, а для іншых — толькі марывам хуткага ўзбагачэньня, якое вяртаецца цяжкімі стратамі. Часам гульня на грошы становіцца залежнасьцю, ад якой чалавеку вельмі цяжка вылечыцца.

Беларусь[рэдагаваць | рэдагаваць крыніцу]

На 2013 г. у краіне працавала 477 гульнявых установаў (31 казіно, 275 залаў гульнявых аўтаматаў і 171 букмэкерская кантора). За 2012 г. іх лік вырас на 22%: дадалося 4 казіно, 46 залаў гульнявых аўтаматаў і 38 букмэкерскіх[1]. Паводле ўказу № 599 ад 19 лістапада 2010 г., сярэдні грашовы выйгрыш на кожным аўтамаце зь 1 красавіка 2011 г. меў складаць прынамсі 90%[2].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Азартная гульнясховішча мультымэдыйных матэрыялаў