Дэвэлапэрская дзейнасьць

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Дэвэлапэрская дзейнасьць — дзейнасьць, зьвязаная з распрацоўкай ды суправаджэньнем інвэстыцыйных праектаў з аб’ектамі нерухомае маёмасьці. Дэвэлапэры купляюць зямлю, фінансуюць зьдзелкі зь нерухомасьцю, будуюць ці наймаюць кампанію, якая будзе будаваць згодна з падтрыхтаваным дэвэлапэрам праектам, а таксама кантралююць і арганізуюць увесь гэты працэс ад пачатку да канца. Дэвэлапэры звычайна прымаюць на сябе найбольшую рызыку ў стварэньні або рэканструкцыі нерухомасьці, аднак атрымоўваюць найбольшую карысьць. Як правіла, дэвэлапэры набываюць вучастак зямлі, распрацоўваюць праект будынка, займаюцца ягоным маркетынгам, атрымліваюць неабходную грамадзкую падтрымку і фінансаваньне, будуюць структуру, пасьля чаго кіруюць пабудаванай маёмасьцю праз арэнду ці ў канчатковым рахунку прадаюць яе.