Кадышэвічы

Кадышэвічы – беларускі шляхецкі род татарскага паходжаньня , адгалінаваньне Наймановічаў. Заснавальнікам роду быў Кадыш Пятровіч, унук Найман-бэга, які ад імя свайго бацькі Пятра прыняў прозьвішча Пятроўскі. Мяркуючы па імю бацькі (Пётра), брата (Дымітар-Зьміцер) і сыноў (Івашка й Андрыс-Андрэй) Кадыша, род Пятроўскіх быў зьбеларушчаны ўжо ў XV стагодзьдзі. Хутчэй за ўсё, бабка, маці й жонка Кадыша былі праваслаўнымі беларускамі, ды й сам Кадыш , верагодна, ужо размаўляў па-беларуску. Кадыш меў чатырох сыноў: Івашку, Мэхмэта, Яхну й Андрыса. У 1525 вялікі князь Жыгімонт Стары надаў прадстаўнікам роду прывілей, у якім зацьвердзіў, што яны займаюць другую пазыцыю ў татарскім войску ВКЛ пасьля Астрынскіх (нашчадкаў Чынгіз-хана).

Радавод

Кадыш Пятровіч, віленскі харужы

1. Івашка (каля 1480-?), заснавальнік Пятроўскіх
2. Мэхмэт
   1. Мінбулат
   2. Нур-Даўлет
   3. Дымітар
      1. Пётра
         1. Абрагім
            1. Адам
   4. Мартуза
      1. Асан
         1. Шчасны
         2. Алей
         3. Ахмэт
            1. Алей
         4. Абрагім, у 1630-я прыняў прозьвішча Скірмунт
            1. Адам
            2. Мартуза
            3. Якуб
         5. Багдан, у 1630-я прыняў прозьвішча Скірмунт
            1. Смаіль
            2. Фурс
            3. Мартуза
      2. Шчасны
      3. Ахмэт
         1. Алей
         2. Пётра, заснавальнік роду Сялецкіх
3. Яхна
   1. Пётра
      1. Нур-Даўлет
4. Андрыс