Цэнтральна-Эўрапейскі ўнівэрсытэт

Цэнтральна-Эўрапейскі ўнівэрсытэт
Central European University
Лягатып
Заснаваны	1991
Колькасьць пэрсаналу	392 чал. (2017)
Месцазнаходжаньне
Краіна	Аўстрыя
Знаходзіцца ў складзе	Асацыяцыя эўрапейскіх унівэрсытэтаў[d], Alliance of Leading European Universities in Economic and Social Sciences[d], arXiv[d], ORCID[d], Austrian Academic Library Consortium[d] і Open Society University Network[d]
Вэб-сайт	ceu.edu (анг.)
Цэнтральна-Эўрапейскі ўнівэрсытэт у Вікісховішчы

Цэнтральна-Эўрапейскі ўнівэрсытэт (па-вугорску: Közép-európai Egyetem, па-нямецку: Zentraleuropäische Universität, па-ангельску: Central European University) — прыватная вышэйшая навучальная ўстанова са статусам унівэрсытэту і з сядзібамі ў Будапэшце і Вене. Навучаньне вядзецца на ангельскайй мове. Установа мае падвойную вугорскую і амэрыканскую акрэдытацыю.

Агульная характарыстыка

Мэтодыка выкладаньня ўстановы апэлюе да адукацыйных традыцый амэрыканскіх унівэрсытэтаў. Унівэрсытэт заахвочвае студэнтаў і выкладчыкаў праводзіць параўнальныя і міждысцыплінарныя дасьледаваньні. Установа адрозьніваецца міжнародным характарам: штогод ва ўнівэрсытэце прымаюць больш за 1500 замежных студэнтаў з больш чым 100 краін і каля 300 выкладчыкаў з больш чым 30 дзяржаў. Большасьць студэнтаў атрымліваюць поўнае або частковае пакрыцьцё выдаткаў на навучаньне і пражываньне ў Будапэшце дзякуючы стыпэндыяльнай сыстэме, якая фінансуецца Джорджам Сорасам, які зьяўляецца адным з заснавальнікаў установы.

Факультэты

• Дзяржаўнага кіраваньня
• Эканомікі і бізнэсу
• Філязофіі
• Гэндэрных дасьледаваньняў
• Гісторыі
• Кагнітывістыкі
• Прыкладной матэматыкі
• Навук аб навакольным асяродзьдзі
• Паліталёгіі
• Права
• Сацыялёгіі і сацыяльнай антрапалёгіі
• Міжнародных адносін
• Сярэднявечных навук
• Нацыяналістычных навук
• Школа сацыяльнай палітыкі

Вонкавыя спасылкі

Цэнтральна-Эўрапейскі ўнівэрсытэт — сховішча мультымэдыйных матэрыялаў

• Афіцыйная інтэрнэт-старонка ўстановы