Эскільстуна

Зьвесткі зь Вікіпэдыі — вольнай энцыкляпэдыі
Эскільстуна
швэдз. Eskilstuna
Ратуша Эскільстуны
Ратуша Эскільстуны
Герб Эскільстуны
Дата заснаваньня: 1659
Краіна: Швэцыя
Лэн: Сёдэрманлянд
Камуна: Эскільстуна
Плошча: 31,05 км²
Насельніцтва (2015)
колькасьць: 67 359 чал.
шчыльнасьць: 2169,37 чал./км²
Часавы пас: UTC+1
летні час: UTC+2
Тэлефонны код: 016
Паштовыя індэксы: 630 03 — 638 21
Геаграфічныя каардынаты: 59°22′38.3″ пн. ш. 16°30′45.7″ у. д. / 59.377306° пн. ш. 16.512694° у. д. / 59.377306; 16.512694Каардынаты: 59°22′38.3″ пн. ш. 16°30′45.7″ у. д. / 59.377306° пн. ш. 16.512694° у. д. / 59.377306; 16.512694
Эскільстуна на мапе Швэцыі
Эскільстуна
Эскільстуна
Эскільстуна
Галерэя здымкаў у Вікісховішчы
www.eskilstuna.se

Эскільстуна (па-швэдзку: Eskilstuna) — горад у Швэцыі, прыкладна за 115 км на захад ад Стакгольму, на рацэ Эскільстунаон, за некалькі кілямэтраў ад азёраў Мэлярэн і Ельмарэн. Цэнтар аднайменнай камуны ў лэне Сёдэрманлянд. Насельніцтва на 31 сьнежня 2015 году — 67 359 чалавек.

Гісторыя[рэдагаваць | рэдагаваць крыніцу]

Рака Эскільстунаон і гістарычны цэнтар Эскільстуны

Спачатку на месцы сучаснага гораду існавалі два гандлёвыя мястэчкі: Форс і Туна. Апошняя ўпершыню згадваецца ў летапісы пад 1104 годам, калі тут ужо існаваў культ Сьвятога Эскіля, які паводле адной зь легендаў, быў забітым паганцамі ангельскім манахам. У 1120 годзе Туна была ўжо цэнтрам біскупства, а прыкладна ў 1266 годзе была перайменавана ў «Эскілеву Туну» (па-швэдзку: Eskilstuna)[1]. Напрыканцы XVI стагодзьдзя Эськільстуна становіцца рэзыдэнцыяй герцага Карла, які пабудаваў тут замак Эскільстунагус (згарэў у XVII стагодзьдзі). У 1659 годзе кароль Карл X Густаў заснаваў на заходнім беразе Эськільстунаон горад, названы ў яго гонар — Карл Густаўсстад, дзе адразу ўзьніклі мануфактуры па вытворчасьці зброі (у 1833 годзе гэты горад увайшоў у склад Эскільстуны). З канца XVIII стагодзьдзя Эскільстуна становіцца важным прамысловым цэнтрам (асабліва мэталюргіі) і застаецца ім да 1970-х гадоў, калі шэраг прадпрыемстваў (Carl Gustafs stads gevärsfaktori, Eskilstuna Jernmanufaktur, Nickelfabriks AB Gottfrid Carlsson, Gense, August Stenman і іншыя) сталі зачыняць свае фабрыкі ў Эськільстуне. У 1990-я гады была пракладзеная чыгунка Svealandsbanan, што станоўча паспрыяла разьвіцьцю гораду. Найбольш значнай падзеяй у сучаснай гісторыі Эскільстуны зьяўляецца пажар 2009 году ў гатэлі Quality Hotel Statt.

Славутасьці[рэдагаваць | рэдагаваць крыніцу]

Кляштарная царква (Klosters kyrka)
Кавальні Радэмахэра
  • Стары горад
  • Кляштарная царква (1929)
  • Музэй гораду (па-швэдзку: Eskilstuna stadsmuseum)
  • Музэй індустрыйнай гісторыі Мунктэльмузэет (па-швэдзку: Munktellmuseet)
  • Кавальні Радэмахэра (музэй; па-швэдзку: Rademachersmedjorna)
  • Заапарк Parken Zoo

Асобы[рэдагаваць | рэдагаваць крыніцу]

Дадатковыя зьвесткі[рэдагаваць | рэдагаваць крыніцу]

Каля 10 000 жыхароў Эскільстуны маюць фінскія карані (большасьць зь іх — гэта дзеці або ўнукі фінскіх рабочых эмігрантаў). Фінская мова і мэянкіелі маюць афіцыйны статус у Эскільстуне і некаторых суседніх камунах.

Крыніцы[рэдагаваць | рэдагаваць крыніцу]

  1. ^ Det medeltida Sörmland, Johan Anund och Linda Qviström

Вонкавыя спасылкі[рэдагаваць | рэдагаваць крыніцу]

Эскільстунасховішча мультымэдыйных матэрыялаў