Абсалютная зорная велічыня

Абсалютная зорная велічыня — зорная велічыня зоркі пры ўмоўнай адлегласьці 10 пс. Лічэбна зьвязаная з бачнай зорнай велічынёй праз модуль адлегласьці.

Адрозьніваюць абсалютныя зорныя велічыні, якія вымяраюцца ў розных фатамэтрычных сыстэмах.

Меншае значэньне зорнай велічыні азначае больш яркі аб’ект.

Звычайна значэньне абсалютнай зорнай велічыні зоркі азначаецца M [ад лац. magnitudo велічыня], а Сонца — M_☉; само значэньне абсалютнай зорнай велічыні звычайна запісваецца ў форме ±<цэлая частка>^m,<дробавая частка>. Напр., візуальная абсалютная зорная велічыня Сонца M_v = +4^m,79.