Аскеркі

Аскеркі лац. Askierki
Герб Мурдэліё
Краіна паходжаньня:	Вялікае Княства Літоўскае

Аске́ркі, Аскіркі — шляхецкі род гербу «Мурдэліё» зьменены.

Прозьвішча

Прозьвішча ўтварылася ад назвы населенага пункта або імя заснавальніка роду, што даў назву сялу Аскерці на рацэ ЯжалІ (басэйн Улы).

Гісторыя

Паходзілі з полацкіх мяшчанаў. Першы вядомы З роду Аляксандар у 1458 годзе судзіўся зь Яўлашкам Козчычам за возера Саланец. Ягоны нашчадак Нічыпар Аскерчыніч у 1511 годзе выкупіў свае землі ў сяле Целічынічах.

Фёдар, Грышка, Андрэй і Цішка Аскярэнічы (Аткярэнічы, Акярэнічы) валодалі маёнткам на рацэ Ўшача. У Інфлянцкую вайну па акупацыі Полаччыны войскам маскоўскага гаспадара Івана Тырана Аскеркі атрымалі як кампэнсацыю землі ў Мазырскім павеце, дзе сталі ўплывовым родам. Пазьней яны набылі маёнткі ў іншых паветах.

Найбольш вядомыя з роду

• Антоні Яўхім Аскерка (? — па 1792) — пасол Чатырохгадовага Сойму
• Ян Мікалай Аскерка (1735—1796) — падстолі, войскі і палявы стражнік вялікі літоўскі; пасол Чатырохгадовага Сойму, удзельнік паўстаньня Т. Касьцюшкі
• Аляксандар Аскерка (1830—1911) — грамадзкі дзяяч, удзельнік нацыянальна-вызвольнага паўстаньня (1863—1864)

Галерэя

• Іканаграфія роду Аскеркаў
• 
  Ян Мікалай Аскерка
• 
  Люцыя Яленская (з Аскеркаў)
• 
  Антоні Яўхім Аскерка
• 
  Баляслаў Аскерка

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4