Траянскі астэроід

Зьвесткі зь Вікіпэдыі — вольнай энцыкляпэдыі

Трая́нскія астэро́іды (траянцы) — група астэроідаў, зьмешчаных у навакольлях кропак Лагранжа L4 і L5 Юпітэру ў арбітальным рэзанансе 1:1. Гэтыя астэроіды завуць па імёнах персанажаў Траянскай вайны, апісаных у Іліядзе.

Існуе традыцыя зваць астэроіды вакол кропкі L4 імёнамі грэцкіх герояў, а вакол кропкі L5 — абаронцаў Троі. Гектар і Патрокл апынуліся «не на сваіх месцах», паколькі гэтая традыцыя склалася пазьней.

«Ахейскі лагер»: Ахілес (588), Гектар (624), Нэстар, Агамнемон, Адысэй, Аякс, Антылох, Дыямед, Менелай і іншыя апярэджваюць Юпітэр на 60°.

«Траянскі лагер»: Патрокл (617), Прыям, Энэй, Антыф, Траіў і іншыя — адстаюць на 60°.