Тыльзыцкі мір
| Тыльзіцкая дамова | |
| Тыльзіцкая мірная дамова | |
 | |
| Тып дамовы | мірная дамова |
|---|---|
| Падрыхтаваная | 25 [ст. ст. 1807] чэрвеня — 7 [ст. ст. 1807] ліпеня |
| Падпісаная | 7 [ст. ст. 1807] ліпеня |
| · месца | Тыльжа |
| Бакі | Шаблён:Сцягафікацыя Шаблён:Сцягафікацыя |
Тыльзыцкая дамова, Тыльзыцкі мір — два пагадненьні, заключаныя ў Тыльжы Першай Французскай імпэрыяй з Расейскай імпэрыяй і Каралеўствам Прусія 25 чэрвеня 1807 году.
Дамову складаюць два трактаты.
Першы трактат[рэдагаваць | рэдагаваць крыніцу]
Першая дамова была падпісаная 7 ліпеня 1807 году імпэратарам Напалеонам Банапартам з царом Аляксандрам I. Яго палажэньні ўключалі:
• Вызнаньне Расеяй Варшаўскага герцагства, вольнага места Гданьска й французскія заваёвы ў Прусіі.
• Расейская імпэрыя далучылася да кантынентальнае блакады Вялікабрытаніі.
• Імпэратар Аляксандр I Раманаў прызнаваў царскія тытулы братоў Напалеона.
Напалеон пагадзіўся на далучэньне да Расеі Беластоцкага дэпартамента, які павінен быў быць перададзены ёй Прусіяй як Беластоцкая вобласьць.
Перамовы паміж Напалеонам і Аляксандрам вяліся на плыце, прышвартаваным пасярод Нёмана каля места Тыльжа, таму аніводнаму з кіраўнікоў не прыйшлося прыходзіць адзін да аднога.
Другі трактат[рэдагаваць | рэдагаваць крыніцу]
Другі дагавор Напалеон заключыў праз два дні, 9 ліпеня, з Каралеўствам Прусія.
Прусія адмовілася ад сваіх уладаньняў у Заходняй Нямеччыне, з якіх было створана Вестфальскае каралеўства. Быў заснаваны Вольны горад Ґданьск, які заставаўся пад пратэктаратам Каралеўства Саксонія і Каралеўства Прусія. Прусія адмовілася ад зямель другога, трэцяга і часткова ад зямель першага падзелу Рэчы Паспалітае, у выніку чаго паводле артыкула XV гэтае дамовы было створана Варшаўскае Ґерцаґства. Праз тры тыдні з частак паўночных узьбярэжных зямель першага падзелу РП быў створаны Вольны горад Ґданьск. Французы вярнулі акупаваныя тэрыторыі Сілезіі, у тым ліку Ўроцлаў і сілезскія крэпасьці. Дамова дазваляла войскам Наполеона Банапарта свабодна перамяшчацца па тэрыторыі Прусіі. Прусія часткова рэалізавала Кодэкс Напалеона, у тым ліку:
• секулярызацыя царкоўнае маёмасці • роспуск ордэна езуітаў
Дамова справакавала брытанцаў прыняць меры супроць Даніі й захапіць яе флот, каб перашкодзіць Напалеону зрабіць гэта.
Палажэньні міру сфарміравалі палітычны й тэрытарыяльны лад, які ў цэлым захаваўся да 1813 г.
|
|
|---|
