Унцыя

Зьвесткі зь Вікіпэдыі — вольнай энцыкляпэдыі

У́нцыя (па-лацінску: uncia) — назва некалькіх адзінак вымярэньня масы, а таксама двух мер аб’ёму вадкіх цел і адной адзінкі вымярэньня сілы ў ангельскай сыстэме мер і ў расейскай сыстэме мер.

  • 1 унцыя (uncia, oz) = 16 драхмам = 437,5 гранам, 28,3495231 грамам.
  • 1 унцыя вадкая ангел. (fl oz) = 28,413 мл (см³)
  • 1 унцыя вадкая амэр. (fl oz)= 29,56 мл (см³)
  • 1 аптэчная, або тройская унцыя ў ангельскай сыстэме мер = 8 драхмам = 480 гранам = 31,103 476 382 679 4 грамам.
  • 1 аптэчная, або тройская унцыя ў старой расейскай сыстэме мер да 1927 г. = 8 драхмаў = 29,860 г
  • У Старажытным Рыме унцыя (uncia, мн. л. unciae) ураўноўвалася прыкладна 27,3 грамам. Слова uncia азначала «адна дванаццатая». Унцыя складала адну дванаццатую лібры (libra) і адну дванаццатую аса (as). Лібра выкарыстоўвалася ў гандлі, а ас — у манэтарнай сыстэме.
  • Унцыя Марыі Тэрэзы раней выкарыстоўвалася ў Этыёпіі і ў некаторых эўрапейскіх краінах. Яна ўраўноўвалася 31,1025 грамам.
  • У Нідэрляндах, пры пераходзе на мэтрычную сыстэму мер, унцыя (ons на галяндзкай мове) была перавызначаная як 100 грам.