Царква Сьвятога Дзьмітрыя Растоўскага (Выдранка)
| Праваслаўны храм | |
Царква Сьвятога Дзьмітрыя Растоўскага
| |
.jpg)
| |
| Краіна | Беларусь |
| Вёска | Выдранка |
| Каардынаты | 53°08′36″ пн. ш. 31°18′03″ у. д. / 53.14333° пн. ш. 31.30083° у. д.Каардынаты: 53°08′36″ пн. ш. 31°18′03″ у. д. / 53.14333° пн. ш. 31.30083° у. д. |
| Канфэсія | Праваслаўе |
| Эпархія | Магілёўская |
| Архітэктурны стыль | мадэрн |
| Дата пабудовы | 1905 год |
| Статус |  Гісторыка-культурная каштоўнасьць Беларусі, шыфр 513Г000477
|
Царква Сьвятога Дзьмітрыя Растоўскага на мапе Беларусі   Царква Сьвятога Дзьмітрыя Растоўскага | |
 Царква Сьвятога Дзьмітрыя Растоўскага на Вікісховішчы
| |
Царква Сьвятога Дзьмітрыя Растоўскага — праваслаўны храм у вёсцы Выдранцы Краснапольскага раёну Магілёўскай вобласьці. Знаходзіцца ў цэнтры вёскі.
Гісторыя[рэдагаваць | рэдагаваць крыніцу]
Пабудавана ў пачатку XX стагодзьдзя з дрэва.
У 2007 годзе занесена ў Дзяржаўны сьпіс гісторыка-культурных каштоўнасьцяў Рэспублікі Беларусь як аб’ект гісторыка-культурнай спадчыны рэгіянальнага значэньня.
Архітэктура[рэдагаваць | рэдагаваць крыніцу]
Помнік драўлянага дойлідзтва з рысамі стылю мадэрн. Храм падоўжна-восевай чатырохчасткавай кампазыцыі: званіца, бабінец, крыжападобны асноўны аб’ём і пяцігранная апсыда з квадратнай бакавой рызьніцай. У сылюэце будынку дамінуюць гранёныя шатровыя пакрыцьці з цыбулепадобнымі галоўкамі васьміграннага барабану асноўнага аб’ёму і двух’яруснай (васьмярык на чацьверыку) званіцы, надбудаванай над прастакутным прытворам. Стракатасьць агульнай кампазыцыі ўзбагачаюць рознавялікія дзьвюхгранныя шчыты зрубаў з разнымі падзорамі. Гарызантальна ашаляваныя сьцены прарэзаныя прастакутнымі аконнымі праёмамі ў плястычных ліштвах з разнымі падаконьнікамі і прафіляванымі сандрыкамі з замковым каменем (імітацыя элемэнтаў мураванай архітэктуры). Галоўны і два бакавыя ўваходы вылучаныя бочкападобнымі пакрыцьцямі на фігурных разных слупах, умацаваныя бэлечнымі перавязкамі, дэкарыраваныя авальнымі мэдальёнамі з абразамі.
Інтэр’ер[рэдагаваць | рэдагаваць крыніцу]
У інтэр’еры дамінуе прастора сяродкрыжжа, перакрытая шатровым скляпеньнем на ветразях, пакрытых выявамі эвангелістаў, і асьветленая верхнімі вокнамі барабану. Бакавыя прытворы, бабінец і апсыда адкрываюцца шырокімі прасьветамі. Дзьве галерэі хораў арыгінальна ўбудаваныя ў бакавых прыдзелах, асьветленыя парамі арачных вокнаў у шчытах. Апсыда вылучана 3-ярусным іканастасам. Сьцены пакрыты арнамэнтальна-арабэскавай размалёўкай.
Літаратура[рэдагаваць | рэдагаваць крыніцу]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5. — С. 136
- Збор помнікаў гісторыі і культуры Беларусі. Магілёўская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. 13. Марцэлеў (гал. рэд.) і інш.— Мн.: Беларус. Сав. Энцыклапедыя, 1986.— 408 с., іл. — С. 255
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Вонкавыя спасылкі[рэдагаваць | рэдагаваць крыніцу]
|
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 513Г000477 |