Вікіпэдыя:Перанакіраваньне
| Скарачэньне: ВП:ПЕРА |
|---|
Перанакіраваньне (па-ангельску: redirect) — адмысловая старонка, якая зьмяшчае толькі спасылку на іншы артыкул у Вікіпэдыі. У прыпадку, калі ўдзельнік увойдзе на гэтую старонку, ён будзе аўтаматычна адпраўлены ў іншы артыкул.
[рэдагаваць] Як стварыць перанакіраваньне
Стварыць перанакіраваньне вельмі проста: для гэтага трэба зьмясьціць у артыкуле код #перанакіраваньне [[Зьмясьціце тут тэкст]], дзе замест выразаў «Зьмясьціце тут тэкст» трэба падаць назву артыкула, на які Вы жадаеце адпраўляць. Для гэтага можна ўжываць гузік #П над акном рэдагаваньня, або гузік у сэкцыі Прылады пад гэтым акном.
Калі ўдзельнік зьмяняе назву артыкула, ён мае магчымасьць стварэньня перанакіраваньня з старой назвы на новую.
Ня трэба рабіць перанакіраваньні з назваў, якімі верагодна ніхто ня будзе карыстацца, або з назваў на іншых мовах. Ня варта таксама рабіць перанакіраваньні, якія вядуць не на артыкул, але на іншыя перанакіраваньні або перанакіраваньні, якія спасылаюцца на артыкул, які не існуе.
[рэдагаваць] Як можна пазнаць спасылку на перанакіраваньне
Спасылка на перанакіраваньне выглядае, як спасылка на іншыя старонкі. Аднак на старонцы сваіх установак удзельнік мае магчымасьць уключыць скрыпт (гаджэт), які вылучае ў артыкулах зялёным колерам спасылкі, якія вядуць на перанакіраваньні, замест артыкулаў.
