Гетры

Францускія марскія кадэты ў белых гетрах на парадзе 8 траўня

Гетры (па-француску: guêtre) — суконная накладка з зашпількамі тыпу кароткага (на шчыкалаткі) накладной халявы ці род цёплых панчох, якія апранаюць паверх абутку. Першапачаткова іх рабілі з скуры або з шчыльнага матэрыялу, пазьней з сукна.

У 1990-я—2000-я гетры зноў увайшлі ў моду як жаночы аксэсуар, а таксама як аксэсуар для танцаў, які дазваляе хутка разаграваць цягліцы ног у часе рэпэтыцый.

У цяперашні час ваўняныя гетры выкарыстоўваюцца ў якасьці элемэнта спартыўнага адзеньня, які абараняе і сагравае ногі.

Гетры атрымалі шырокае распаўсюджваньне ў турызьме ў якасьці абароны ад траплення ўнутр чаравікоў бруду і вады.