Магутнасьць

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Магутнасьць — фізычная скалярная велічыня, роўная стасунку працы, выкананай за некаторы прамежак часу, да гэтага прамежку часу.

P = \frac{\Delta A}{\Delta t} \,\! — cярэдняя магутнасьць
P = \frac{dA}{dt} \,\! — імгненная магутнасьць

Паколькі праца зьяўляецца мерай зьмены энэргіі, магутнасьць можна вызначыць таксама як хуткасьць зьмены энэргіі сыстэмы.

Адзінкі вымярэньня[рэдагаваць | рэдагаваць крыніцу]

У сыстэме СІ адзінкай вымярэньня магутнасьці зьяўляецца ват, роўны аднаму джоўлю, падзеленаму на сэкунду.

Іншай распаўсюджанай адзінкай вымярэньня магутнасьці зьяўляецца конская сіла.

Судачыненьні паміж адзінкамі магутнасьці
Адзінкі Вт кВт МВт кгс•м/с эрг/с к. с.
1 ват 1 10-3 10-6 0,102 107 1,36•10-3
1 кіляват 103 1 10-3 102 1010 1,36
1 мэгават 106 103 1 102•103 1013 1,36•103
1 кіляграм-сіла-мэтар у сэкунду 9,81 9,81•10-3 9,81•10-6 1 9,81•107 1,33•10-2
1 эрг у сэкунду 10-7 10-10 10-13 1,02•10-8 1 1,36•10-10
1 конская сіла[1] 735,5 735,5•10-3 735,5•10-6 75 7,355•109 1

Магутнасьць у мэханіцы[рэдагаваць | рэдагаваць крыніцу]

Калі на цела, якое рухаецца, дзейнічае сіла, то гэтая сіла зьдзяйсьняе працу. Магутнасьць у гэтым выпадку роўная скалярнай вытворнай вэктару сілы на вэктар хуткасьці, зь якой рухаецца цела:

P = \mathbf F \cdot \mathbf v = F \cdot v \cdot \cos\alpha

F — сіла, v — хуткасьць, \alpha  — кут паміж вэктарам хуткасьці і сілы.

Электрычная магутнасьць[рэдагаваць | рэдагаваць крыніцу]

Імгненная электрычная магутнасьць[рэдагаваць | рэдагаваць крыніцу]

Імгненная электрычная магутнасьць, якая вылучаецца на элемэнце электрычнага ланцуга вызначаецца наступным чынам:

 P = I \cdot U

дзе I і U — імгненныя значэньні сілы току і напругі на элемэнце.

Калі элемэнт ланцуга — рэзыстар з супорам R, то

 P = I^2 \cdot R = \frac{U^2}{R}

Магутнасьць сталага току[рэдагаваць | рэдагаваць крыніцу]

Паколькі значэньні сілы току і напругі сталыя і роўныя імгненным значэньні ў любы момант часу, то сярэднюю магутнасьць можна вылічыць па формулах:

 P = I \cdot U = I^2 \cdot R = \frac{U^2}{R}

Магутнасьць зьменнага току[рэдагаваць | рэдагаваць крыніцу]

Сярэдняя магутнасьць сынусоіднага зьменнага току:

P = I_{eff} \cdot U_{eff} \cdot \cos\varphi

тут:

I_{eff} = \frac{I}{\sqrt2} ; U_{eff} = \frac{U}{\sqrt2}

I і U — амплітудныя значэньні сілы току і напругі;

Ieff і Ueff — Сярэднія квадратычныя значэньні току і напругі, яны таксама завуцца эфэктыўнай сілай току і эфэктыўнай напругай;

\varphi  — зрух фазаў паміж токам і напругай.

Каэфіцыент \cos\varphi завецца каэфіцыентам магутнасьці. Каэфіцыент магутнасьці таксама залежыць ад формы току і напругі.

Крыніцы[рэдагаваць | рэдагаваць крыніцу]

  1. ^ «мэтрычная конская сіла»

Вонкавыя спасылкі[рэдагаваць | рэдагаваць крыніцу]