«Пачатак» — першы альбом рэпэра Vinsent, які зьявіўся на сьвет у лютым 2009 году. Любоўная й грамадзянская лірыка, сюррэалізм, сацыяльная пародыя — такой ёсьць тэматыка песень альбому. Усе вершы да песень напісаў Vinsent. Над музычным бокам альбому працаваў шэраг бітмэйкераў: Explosive Beats, BeatCheat, Xenothermal, Max Korzh, DJ Dudar. У альбоме прыняла ўдзел сьпявачка й VJ Першага музычнага каналу Воля Палюшык.