Сьцяг Бразыліі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сьцяг Бразыліі

Сьцяг Бразыліі ўяўляе сабой зялёнае палотнішча з жоўтым ромбам ў цэнтры. Унутры ромба знаходзіцца цёмна-сіні круг з 27 белымі зоркамі. Круг перасечаны стужкай з нацыянальным дэвізам Браыліі - «Ordem e Progresso» (з порт. «Парадак і прагрэс»).

Зялёны і жоўты - нацыянальныя колеры Бразыліі. Зялёны колер сымбалізуе лясныя багацьці Амазоніі, а жоўты - запасы золата: у XVI-XIX стагодзьдзях у Бразыліі знаходзіліся найбуйнейшыя ў сьвеце золатаздабывальныя шахты. Сьцяг часам называюць Auriverde (залаты і зялёны).

Разьмяшчэньне зорак на сьцягу адлюстроўвае неба над Рыё-дэ-Жанэйра раніцай у 9 гадзін 22 хвіліны 43 сэкунды 15 лістапада 1889 г. - у момант абвяшчэньня бразыльскай рэспублікі. Кожнаму з 26 штатаў, а таксама Фэдэральнай акрузе, адпавядае свая зорка.