Эксцэнтрысытэт

Зьвесткі зь Вікіпэдыі — вольнай энцыкляпэдыі.

Эліпс (e=1/2), парабала (e=1) і гіпэрбала (e=2) з фіксаванымі фокусам F і дырэктрысай. (|FM| = e |MM'|)

Эксцэнтрысытэ́т — лікавая характарыстыка канічнага перасеку. Эксцэнтрысытэт інварыянтны адносна рухаў плоскасьці й пераўтварэньняў падабенства.

Усе нявыраджаныя канічныя перасекі, акрамя акружнасьці, можна апісаць наступным спосабам:

Абярэм на плоскасьці кропку F і прамую d і задамо рэчыўны лік e>0. Тады геамэтрычнае месца кропак, для якіх адлегласьць да кропкі F і да прамой d адрозніваецца ў e раз, зьяўляецца канічным перасекам.

Кропка F завецца фокусам канічнага перасеку, прамая d — дырэктрысай, лік e — эксцэнтрысытэтам.

У залежнасьці ад эксцэнтрысытэту, атрымаецца:

• пры e<1 — эліпс;
• пры e=1 — парабала;
• пры e>1 — гіпэрбала.

Для акружнасьці лічаць e=0.