Златакратовыя
| Златакратовыя | |
 златакрот капскі (Chrysochloris asiatica) — тыповы від | |
| Клясыфікацыя | |
|---|---|
| Царства | Жывёлы (Animalia) |
| Тып | Хордавыя (Chordata) |
| Падтып | Хрыбетныя (Vertebrata) |
| Надкляса | Чатырохногія (Tetrapoda) |
| Кляса | Сысуны (Mammalia) |
| Падкляса | Зьвяры (Theria) |
| Інфракляса | Пляцэнтарныя (Placentalia) |
| Атрад | Afrosoricida |
| Сямейства | Златакратовыя |
| Бінамінальная намэнклятура | |
| Chrysochloridae Gray, 1825 | |
Златакратовыя (Chrysochloridae) — сямейства клясы сысуноў, якое ўключае 10 сучасных родаў і 21 сучасны від[1]. Златакратовыя жывуць у Афрыцы на поўдзень ад Сахары, асабліва ў Паўднёвай Афрыцы. Яны насяляюць пясчаныя пустэльні, саваны, лясы, апрацаваныя землі. Выкапныя рэшткі вядомыя ад міяцэну Кеніі[2][3][4].
Даўжыня ад носа да хваста складае 76–235 мм, хваста не відаць, маса ад некалькіх да некалькіх сотняў грамаў. Цела мае цыліндрычную форму, вушы малыя і схаваныя поўсцю, вочы цалкам схаваныя скурай, канечнасьці кароткія. Валасяны полаг мае металічны бляск альбо пераліваецца чырвоным, жоўтым, зялёным, бронзавым ці фіялетавым колерам. Зубная формула: 3/3, 1/1, 3/3, 2–3/2–3 = 36–40 зубоў[2][3][4].
Прадстаўнікі сямейства вядуць падземны лад жыцьця. Рацыён златакратовых складаецца ў асноўным з бесхрыбетных, аднак два роды, якія жывуць у пустэльні (Cryptochforis і Eremitalpa), таксама ядуць бязногіх яшчарак[2][3][4].
Сыстэматыка[рэдагаваць | рэдагаваць крыніцу]
Падатрад Chrysochloridea Broom, 1915
- Сямейства Златакратовыя (Chrysochloridae)
- роды: Amblysomus (5 відаў), Chrysochloris (3), Chlorotalpa (2), Chrysospalax (2), Neamblysomus (2), Calcochloris (2), Cryptochloris (2), Eremitalpa (1), Carpitalpa (1), Huetia (1)
Крыніцы[рэдагаваць | рэдагаваць крыніцу]
- ^ Chrysochloridae (анг.). The IUCN. Праверана 09.06.2021 г.
- ^ а б в Ciszek, D.; P. Myers (2000) Chrysochloridae (анг.). Animal Diversity Web. Праверана 09.06.2021 г.
- ^ а б в Nowak R. M. Walker's mammals of the world. — 6. — Baltimore and London: JHU Press, 1999. — Т. 1. — С. 179, 180. — 1936 с. — ISBN 0801857899 (анг.)
- ^ а б в Vaughan T., Ryan J., Czaplewski N. Mammalogy. — Jones & Bartlett Learning, 2011. — С. 124–126. — 750 с. — ISBN 9780763762995 (анг.)
 |
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |