Максім Гаявы
| Максім Гаявы | ||
| Пэрсанальная інфармацыя | ||
|---|---|---|
| Нарадзіўся | 27 траўня 2002[1] (21 год) | |
| Рост | 178 см[3] | |
| Вага | 62 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Смаргонь | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2022 | БАТЭ | 0 (0) |
| 2022 | → Арсэнал Койданаў | 6 (0) |
| 2023— | Смаргонь | 26 (1) |
|
¹ Колькасьць гульняў і галоў за прафэсійны клюб лічыцца толькі | ||
Максі́м Гаявы́ (нар. 27 траўня 2002 году) — беларускі футбаліст, паўабаронца «Смаргоні».
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Выхаванец барысаўскага БАТЭ, а таксама Акадэміі АБФФ. У 2019 годзе запачаткаваў выступы ў складзе барысаўскага дублю. У складзе галоўнай каманды БАТЭ дэбютаваў 29 жніўня 2020 году ў матчы Кубка Беларусі супраць мікашэвіцкага «Граніта», зьявіўшыся на 72-й хвіліне сустрэчы заместа Дзьмітра Багі. У тым жа матчы адзначыўся голам. Тым ня менш, гулец працягнуў гуляць за дубль. Чарговым разам зьявіўся ў складзе першай каманды амаль праз год 22 чэрвеня 2021 году ў матчы кубка краіны супраць «Баранавічаў».
У лютым 2022 годзе далучыўся на правах арэнды да койданаўскага «Арсэналу»[4][5], дзе пачаў сэзон на лаве запасаных. 19 чэрвеня запачаткаваў кар’еру ў Найвышэйшай лізе, зьявіўшыся 19 чэрвеня 2022 году ў матчы супраць салігорскага «Шахцёра». У складзе каманды, аднак, гуляў зусім вобмаль. У студзені 2023 году праходзіў прагляд у «Смаргоні». У сакавіку 2023 году футбаліст афіцыйна прыяднаўся да клюбу, склаўшы аднагадовы кантракт з камандай[6]. Дэбютаваў за клюб у матчы 19 сакавіка 2023 году супраць бабруйскай «Белшыны». Дэбютны гол у кар’еры забіў 14 траўня 2023 году ў матчы супраць гарадзенскага «Нёмана». Пераважна цягам сэзону выходзіў на замену. У лютым 2024 году футбаліст працягнуў супрацу з клюбам яшчэ на год[7].
Міжнародная[рэдагаваць | рэдагаваць крыніцу]
Гулец браў удзел у таварыскіх матчах у юнацкіх зборных Беларусі да 16 і да 17 гадоў.
Дасягненьні[рэдагаваць | рэдагаваць крыніцу]
- Уладальнік Кубка Беларусі: 2021
Крыніцы[рэдагаваць | рэдагаваць крыніцу]
- ^ а б в https://www.pressball.by/footballstat/maksim_hayavy/
- ^ а б https://www.transfermarkt.com/maksim-gaevoy/profil/spieler/806714
- ^ а б в г https://footballfacts.ru/person/613034
- ^ Футбол. Максим Гаевой стал игроком дзержинского «Арсенала» (рас.) Прессбол.
- ^ «Арсенал» арендовал у БАТЭ полузащитника (рас.) Football.by.
- ^ Хавбек Гаевой перешел в «Сморгонь» (рас.) Football.by.
- ^ Три игрока продлили контракты со «Сморгонью» (рас.) Football.by.
Вонкавыя спасылкі[рэдагаваць | рэдагаваць крыніцу]
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway