Марыяна Андухар
| Марыяна Андухар | ||
| ||
| Пэрсанальная інфармацыя | ||
|---|---|---|
| Нарадзіўся | 30 ліпеня 1983[1][2][3] (40 гадоў) | |
| Рост | 194 см | |
| Вага | 88 кг | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2001—2006 2005—2006 2006—2009 2009—2014 2012 2014—2016 2015—2016 2016—2023 |
Уракан → Палерма (арэнда) Эстудыянтэс Катанія → Эстудыянтэс (арэнда) Напалі → Эстудыянтэс (арэнда) Эстудыянтэс |
60 (0) 11 (0) 106 (0) 146 (0) 18 (0) 15 (0) 12 (0) 179 (0) |
| Зборныя | ||
| 2009—2014 | Аргентына | 11 (0) |
Марыя́на Ганса́лё Анду́хар (па-гішпанску: Mariano Gonzalo Andújar; нарадзіўся 30 ліпеня 1983 году, Буэнас-Айрэс, Аргентына) — колішні аргентынскі брамнік клюбу «Эстудыянтэс» і былы гулец нацыянальнай зборнай Аргентыны. У складзе «Эстудыянтэсу» ў 2009 годзе атрымаў перамогу ў Кубку Лібэртадорэс і атрымаў запрашэньне ў нацыянальную зборную.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Пачаў кар’еру ў клюбе «Ўракан» у 2001 годзе й застаўся ў камандзе нават пасьля вылету ў ніжэйшы дывізіён прыз два гады. У сэзоне 2005—2006 гадоў выступаў за італьянскі «Палерма» ва ўмовах вельмі жорсткай канкурэнцыі з боку мясцовых брамнікаў. Усяго Марыяна правёў 11 матчаў у італьянскай Сэрыі A.
У 2006 годзе Андухар далучыўся да каманды, кіраванай Дыега Сымэонэ — «Эстудыянтэс», і стаў адным з ключавых гульцоў у камандзе, якая атрымала перамогу ў Апэртуры чэмпіянату Аргентыны 2006 году. Андухар правёў 16 з 19 матчаў у турніры і прапусьціў у іх толькі 9 галоў. Ён таксама ўдзельнічаў у «Залатым матчы» супраць «Бокі Хуніёрс», які скончыўся перамогай «Эстудыянтэс» зь лікам 2:1. Клюб ўпершыню за 23 гады стаў чэмпіёнам Аргентыны. У 2008 годзе «Эстудыянтэс» дайшоў да фіналу Амэрыканскага кубка — гэта быў першы міжнародны фінал для клюбу з 1971 году, аднак клюб зь Ля-Пляты саступіў бразыльскаму «Інтэрнасьёналу».
24 чэрвеня 2009 году было абвешчана аб пераходзе па заканчэньні Кубка Лібэртадорэс Марыяна Андухара ў італьянскую «Катанію». Кантракт разьлічаны на 4 гады[4]. 24 студзеня 2014 году афіцыйны сайт «Напалі» паведаміў пра пасьпяховы мэдычны агляд Андухара ў рамках падрыхтоўкі трансфэру гульца ў Нэапаль[5]. Праз чатыры дні было дасягнута пагадненьне на пераход галкіпэра на сэзон 2014—2015 гадоў[6].
Міжнародная[рэдагаваць | рэдагаваць крыніцу]
Улетку 2009 году галоўны трэнэр зборнай Аргентыны Дыега Марадона нарэшце дазволіў дэбютаваць Марыяна за галоўную каманду краіны, куды Андухар прыцягваўся ў якасьці рэзэрвовага гульца яшчэ з 2007 году. Дэбютная гульня адбылася 6 чэрвеня супраць зборнай Калюмбіі. Андухар адгуляў «на нуль» і Аргентына атрымала хатнюю перамогу зь лікам 1:0.
Дасягненьні[рэдагаваць | рэдагаваць крыніцу]
«Эстудыянтэс»:
- Чэмпіён Аргентыны: 2006(а)
- Уладальнік Кубка Лібэртадорэс: 2009
«Напалі»:
- Уладальнік Супэркубка Італіі: 2014
Крыніцы[рэдагаваць | рэдагаваць крыніцу]
- ^ а б в Mariano Andújar // FBref.com (мн.)
- ^ а б в MARIANO GONZALO ANDUJAR // Argentine Soccer Database (гішп.)
- ^ а б в Mariano Andújar // As (гішп.) — Madrid: Grupo Prisa, 1967. — ISSN 1888-6671
- ^ «Andujar al Catania». calciocatania.net.
- ^ Napoli, visite mediche per Andujar a Castelvolturno. S.S.C. Napoli Ufficiale
- ^ Il Napoli ufficializza l’acquisto di Andujar. S.S.C. Napoli Ufficiale.
Вонкавыя спасылкі[рэдагаваць | рэдагаваць крыніцу]
- Профіль (анг.) на Transfermarkt
- Профіль на афіцыйным сайце ФК «Катанія»
- Статыстыка на National Football Teams
- Профіль на сайце ESPN
- Статыстыка на сайце FIFA