Аловак

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Графітовыя алоўкі

Аловак — прылада для маляваньня ў выглядзе тонкай палачкі са спэцыяльных фарбавальных рэчываў, звычайна апраўленых у дрэва, ці зробленая з мэталу (сьвінцовы аловак, сярэбраны аловак). Аловак — утыліта для запісу на паперы або дрэве. Аловак характарызуецца чорным ці шэрым колерам пісьма. Мэталёвае заканчэньне аксэльбантаў што носяць пры сучасным абмундыраваньні зьяўляецца астаткам раней прымацаванага да іх кавалка волава, які служыў алоўкам.

Першыя каляровыя алоўкі зьявіліся на землях сучаснай Танзаніі 7 тыс. рокаў таму, і складаліся з сала дзікіх жывёл, вокісу жалеза, здробненых скальных пародаў.

Графітны аловак складаецца зь мінэралу графіту з дамешкам спэцыяльных гатункаў гліны. Ён быў вынайдзены ў Францыі ў 1790 року. Малюнак такім алоўкам мае шараваты тон зь лёгкім водбліскам і пазбаўлены інтэнсіўнай чарнаты.

Італьянскі аловак вырабляецца (у наш час) з парашку спаленай косьці, змацаванага расьлінным клеем. Вядомы з 15 ст. Малюнак такім алоўкам мае глыбока чорны, матавы, аксамітны тон.

Сьвінцовы аловак і срэбраны аловак шырока ўжываліся да 16 ст. і вырабляліся з адпаведных мэталаў. Малюнак срэбраным алоўкам мае цёмна-шэры тон, з часам набывае карычневае адценьне. Малюнкаў сьвінцовым алоўкам зьбераглося няшмат, бо імі рабілі падрыхтоўчыя накіды пры маляваньні іншай тэхнікай.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Аловаксховішча мультымэдыйных матэрыялаў