Барыс Вальеха
Зьвесткі зь Вікіпэдыі — вольнай энцыкляпэдыі.
| Барыс Вальеха | |
 Барыс Вальеха ў красавіку 2005. |
|
| Імя пры нараджэньні: | Boris Vallejo |
|---|---|
| Нарадзіўся: | 8 студзеня 1941 (71 год) Ліма, Пэру |
| Памёр: | |
| Нацыянальнасьць: | пэруанец |
| Грамадзянства: | ЗША |
| Заняткі: | мастак |
| Вучоба: | Нацыянальная школа мастацтваў Пэру |
| Плынь: | фэнтэзі, эротыка |
Бары́с Валье́ха[1] (па-ангельску: Boris Vallejo; нарадзіўся 8 студзеня 1941[2] ў Ліме, Пэру) — амэрыканскі мастак пэруанскага паходжаньня.
Маляваць пачаў у трынаццацірочным узросьце. Па сканчэньні Нацыянальнай школы мастацтваў эміграваў у Злучаныя Штаты (1964).
Пераважна працуе ў жанрах фэнтэзі і эротыкі. Аб’ектамі ягоных карцінаў зьяўляюцца паганскія багі, монстры і ўзброеныя барбары абодвух палоў.
Зь першай жонкай Дорыс мелі двух дзяцей. Сын Дарыян працуе мастаком-партрэтыстам. Дачка Мая — прафэсыйны фатограф. Са сваёй цяперашняй жонкай і мадэльлю Джулі Бэл мае двух прыёмных сыноў: Энтані і Дэвіда Палумбаў, якія таксама займаюцца выяўленчым мастацтвам.
У цяперашні час пражывае ў Алэнтаўне (Пэнсыльванія).
[рэдагаваць] Крыніцы і заўвагі
- ^ Паводле правілаў гішпанскае мовы. Распаўсюджаны таксама «ангельскамоўны» варыянт Валеджа.
- ^ «Comics Buyer’s Guide» №1650; люты 2009; с. 107
