Вальдэс (паўвостраў)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Ва́льдэс (па-гішпанску: Península Valdés) — паўвостраў на атлянтычным узьбярэжжы Аргентыны. Плошча — 3625 км². Большая частка паўвострава ўяўляе сабой незаселеную тэрыторыю. Ёсьць некалькі салёных азёраў, самае буйнае зь якіх ляжыць на 40 мэтраў ніжэй за ўзровень мора. Гэта самае нізкае месца на сушы для Паўднёвай Амэрыкі.

У 1999 годзе паўвостраў Вальдэс занесены ў сьпіс Сусьветнай спадчыны ЮНЭСКО — у першую чаргу за сваю непаўторную і багатую фаўну.

На ўзьбярэжжы паўвострава знаходзяцца калёніі марскіх сысуноў, такіх як паўднёвы марскі слон (Mirounga leonina) і вушастыя цюлені. У заліве Нуэва (Golfo Nuevo), які аддзяляе паўвостраў ад мацерыковай Патагоніі водзяцца паўднёвыя кіты (Eubalaena australis), таксама заплываюць у мэтах размнажэньня іншыя віды кітоў, таму што вада ў заліве цяплей і спакайней, чым у адкрытым акіяне. Каля ўзьбярэжжа водзяцца касаткі. На сушы звычайны нанду, гуанака, мара (вядомы, як патагонскі заяц ці патагонская марская сьвінка).

Галерэя[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Вальдэс (паўвостраў)сховішча мультымэдыйных матэрыялаў

Каардынаты: 42°30′ пд. ш. 63°56′ з. д. / 42.5° пд. ш. 63.933° з. д. / -42.5; -63.933