Зброя

Зьвесткі зь Вікіпэдыі — вольнай энцыкляпэдыі.

Зброя - прыстасаваньні і сродкі, прызначаныя для паражэньня праціўніка ва ўзброенай барацьбе. Звычайна складаецца з сродкаў паражэньня і сродкаў дастаўкі іх да цэлю, таксама ў склад зброі могуць уваходзіць сродкі кіраваньня і навядзеньня.

[рэдагаваць] Клясыфікацыі зброі

Паводле асноўных адметнасьцяў зброя падзяляецца:

Паводле характару паражэньня:

• Зброя масавага паражэньня
• Звычайная (канвэнцыйная) зброя (сродкі паражэньня)

Паводле характару баявых задач:

• Стратэгічная зброя (узбраеньне)
• Апэрацыйна-тактычная зброя (узбраеньне)
• Тактычная зброя (узбраеньне)

Паводле мэтавага прызначэньня:

• аднацэлевая (напр., проціпаветраная, процітанкавая, проціпадлодачная)
• шматцэлевая (унівэрсальная)

Паводле спосабу дастаўкі сродкаў паражэньня:

• Агнястрэльная зброя
• Рэактыўная і ракетная зброя (напр., ракета, рэактыўны снарад)
• Зброя, якая дастаўляецца з дапамогай іншых адмысловых носьбітаў, іншых відаў рухавікоў і камбінаванымі спосабамі (напр., авіяцыйная бомба, тарпеда, актыўна-рэактыўны снарад)
• Дастаўка мускульнай сілай чалавека (напр., кап'ё, ручная граната)
• Зброя, якая ўстанаўляецца ў месцах магчымых дзеяньняў праціўніка (мінная зброя)

Паводле манэўранасьці:

• Стацыянарная зь нерухомай асновай (напр., шахтныя ракетныя комплексы, казэматныя гарматы)
• Стацыянарная з рухомай асновай (напр., авіяцыйныя, танкавыя, карабельныя і інш. узбраеньні)
• Самаходная
• Цяганая
• Вожаная (ношаная, трокавая)

Паводле колькасьці абслугі:

• Групавая
• Індывідуальная

Паводле ступені аўтаматызацыі працэсу стральбы:

• Аўтаматычная
• Паў-аўтаматычная
• Неаўтаматычная

Паводле магчымасьці зьмяненьня траекторыі руху сродкаў паражэньня да цэлю:

• Некіраваная
• Кіраваная

[рэдагаваць] Гісторыя

Зброя зьявілася ў дагістарычную эпоху, першыя ўзоры яе вырабляліся з дрэва і каменю. Важнымі момантамі ў далейшым разьвіцьці зброі былі адкрыцьці якасьцяў і выкарыстаньне мэталаў (медзь, бронза, жалеза і інш.), выкарыстаньне пораху і зьяўленьне агнястрэльнай зброі (14 ст.), зьяўленьне нарэзнай казназараднай (1860-я гг.), зьяўленьне бяздымнага пораху і распрацоўка хуткастрэльнай магазіннай і аўтаматычнай зброі (1880-я гг.), стварэньне і выкарыстаньне хімічнай зброі (1-я сусв. вайна), рэактыўнай зброі, крылатых і балістычных ракет, атамнай зброі (2-я сусьв. вайна), распрацоўка і пастаноўка на ўзбраеньне ракетна-ядзернай зброі (1950-я гг.), разьвіцьцё электронікі і вылічальнай тэхнікі (1970-я гг.).

[рэдагаваць] Вонкавыя спасылкі

 Зброя — сховішча мультымэдыйных матэрыялаў