Лякальная вылічальная сетка

Зьвесткі зь Вікіпэдыі — вольнай энцыкляпэдыі

Лякальная вылічальная сетка[1] (ЛВС; па-ангельску: local area network, LAN) — кампутарная сетка, якая яднае рознае кампутарнае абсталяваньне на невялікай у фізычным пляне прасторы, напрыклад у хаце, офісе ці ўнівэрсытэцкім кампусе. Уласьцівасьці ЛВС вельмі адрозьніваюцца ад уласьцівасьцяў глябальных вылічальных сетак, асабліва хуткасьцю перадачы інфармацыі, а таксама адлегласьцю паміж вузламі сеткі. Акрамя таго, для падобных сетак не патрэбная арэнда лініяў сувязі.

Прыкладамі ЛВС зьяўляюцца ARCNET і Token Ring, якія выкарыстоўваліся раней, а таксама пэрспэктыўная тэхналёгія G.hn, выкарыстаньне якой мажлівае ў будучыні. Цяпер найбольш распаўсюджанымі відамі ЛВС зьяўляюцца Ethernet і Wi-Fi зь дзеяньнем празь вітую пару і радыёхвалі адпаведна.

Крыніцы[рэдагаваць | рэдагаваць крыніцу]

  1. ^ М. Савіцкі, «Тлумачальны слоўнік па інфарматыцы», ст. 157, ISBN 978-985-6742-83-8