Хуткасная гарадзкая чыгунка (Труймяста)
Хуткасная гарадзкая чыгунка (па-польску: PKP Szybka Kolej Miejska w Trójmieście) у Труймясьце — гарадзкая электрычка (S-Bahn), якая абслуговае гарады польскай агламэрацыі Труймяста. Першапачаткова сыстэма аб’ядноўвала Гданьск, Сопат і Гдыню, але пазьней яна была падоўжана ў гарады Слупск, Лембарк, Вэйхерова і Тчэў.
Інтэрвал руху на трасе SKM розьніцца ад шасьці хвілін да паўгадзіны, у залежнасьці ад часу сутак. Рухомы склад — электрацягнікі, у большасьці чатырохвагонныя en57, але сустракаюцца і доўгія, счэпленыя з двух электрацягнікоў.
Кошт праезду вызначаецца зонамі, паміж Гданьскам і Гдыняй — 3 зоны.
Лінія двухкалейная, праходзіць паралельна чыгуначнай калейцы Тчэў — Вэйхерова, з правага боку ў кірунку Гданьск — Гдыня. Паміж асноўнай чыгуначнай галіной і SKM існуюць пераходы.