Істанбулспор Стамбул

Істанбулспор
Поўная назва	İstanbulspor Kulübü A.Ş.
Заснаваны	1926
Горад	Стамбул, Турэчыына
Стадыён	Нэджмі Кадыяглу Умяшчальнасьць: 4491
Галоўны трэнэр	Асман Зэкі Каркмаз[d]
Чэмпіянат	Супэрліга
· 2022—2023	12 месца
istanbulspor.com.tr (тур.)

«Істанбулспор» (па-турэцку: İstanbulspor) — турэцкі футбольны клюб з гораду Стамбула. Заснаваны ў 1926 годзе групай навучэнцаў Стамбульскай гімназіі. Доўгі час клюб успрымаўся чацьвертай сілай сярод стамбульскіх дружынаў пасьля Бэшыкташу, Галатасараю і Фэнэрбахчэ.

Гісторыя

Матч «Галатасараю» і «Істанбулспору» ў красавіку 1934 году.

Клюб паўстаў 4 студзеня 1926 году, дзякуючы намаганьням Кемала Халіма Гюргена і навучэнцаў Стамбульскай гімназіі. Такім чынам клюб стаў адным зь першых спартовых клюбаў рэспубліканскага часу Турэччыны. У сэзоне 1931—1932 гадоў гульца «Істанбулспору» здабылі перамогу як ў Стамбульскай лізе, гэтак і ў турэцкім нацыяныльным чэмпіянаце.

Да 1990 году клюбам кіравала фундацыя Стамбульскай гімназіі. За гэты час «Істанбулспор» некалькі разоў перамяшчаўся паміж лігамі. У 1979 годзе каманда была нават вымушаная перайсьці ў аматарскі футбол, але праз два гады стамбульцы зноў вярнуліся да прафэсійных лігаў. У 1990 годзе турэцкі бізнэсовец Джэм Узан набыў ва ўласнасьць футбольны клюб, пераарганізаваўшы яго. Зьмена ўласьніка ўзрушыла каманду, і ў сярэдзіне 1990-х «Істанбулспор» вярнуўся ў Супэрлігу. Клюб зь цягам паляпшаў вынікі і ў сэзоне 1997—1998 гадоў фінішаваў на чацьвертым радку турэцкага першынства. Гэта дало магчымасьць дэбютаваць у розыгрышы Кубка УЭФА, але няўдала. У першай сустрэчы супраць румынскага «Аржэшу» стамбульцы здабылі перамогу зь лікам 4:2. У матчы ў адказ перавага была зьнішчаная і за кошт правілу гасьцявога голу румынская дружына рушыла далей, выгуляўшы зь лікам 2:0. У 2001 годзе Ўзан адмовіўся ад падрымкі клюбу і «Істанбулспор» сутыкнуўся зь фінансавымі цяжкасьцямі. Клюб страціў месца ў элітным дывізіёне, а таксама некалькі разоў зьмяніў уласьніка.

Вонкавыя спасылкі

• Афіцыйны сайт