Антані Рэвэер

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Антані Рэвэер
Антані Рэвэер
Пэрсанальная інфармацыя
Нарадзіўся 10 лістапада 1979 (34 гады)
Дуэ-ля-Фантэн, Францыя
Рост 180 см
Пазыцыя абаронца
Клюбная інфармацыя
Клюб Напалі
Нумар 2
Моладзевыя клюбы
Анжэ
Клюбы
Гады Клюб Гульні (галы)¹
1998—2003
2003
2003—2013
2013—
Рэн
Валенсія
Ліён
Напалі
165 (2)
24 (1)
286 (3)
4 (0)
Нацыянальная зборная
2003— Францыя 20 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
8 лістапада 2013.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
13 верасьня 2012.

Антані Рэвэер (па-француску: Anthony Réveillère; нарадзіўся 10 лістапада 1979 году, Дуэ-ля-Фантэн, Францыя) — францускі футбаліст, які выступае за італьянскі клюб «Напалі» й нацыянальную зборную Францыі на пазыцыі абаронцы. Добра вядомы сваёй хуткасьцю, можа гуляць як на левым, гэтак і правым боку абароны. На сёньняшні дзень зьяўляецца вольным агентам.

Кар’ера[рэдагаваць | рэдагаваць крыніцу]

Антані Рэвэер пачаў сваю кар’еру ў камандзе «Віер», потым гуляў за «Анжэ». Ва ўзросьце 18-ці гадоў Рэвэер перайшоў у клюб «Рэн», дзе ён хутка пачаў гуляць у аснове, дзякуючы трэнэру клюба, Полю Ле Гуэну, які давяраў абаронцу. 3 лютага 1998 году Рэвэер дэбютаваў у Лізе 1 у гульні супраць «Бастыі». Усяго за «Рэн» Рэвэер гуляў на працягу 6 гадоў, правёўшы 165 матчаў і забіўшы 2 галы. У студзені 2003 году ён быў арэндаваны гішпанскай «Валенсіяй», дзе, на правах арэнды, гуляў 6 месяцаў[1].

Летам 2003 году Рэвэер перайшоў у «Алімпік» зь Ліёну, куды яго запрасіў ягоны былы трэнэр па «Рэну», Поль Ле Гуэн. Там Рэвэер хутка заваяваў месца ў аснове каманды. Ён быў выкліканы ў склад зборнай Францыі, дэбютаваўшы 11 кастрычніка 2003 году ў гульні супраць каманды Ізраіля, але там абаронца ня вытрымаў канкурэнцыю з боку Бакары Санья й Рода Фані.

5 лістапада 2008 году Рэвэер забіў свой першы мяч у Лізе чэмпіёнаў, уразіўшы браму «Сьцяўа». 22 лістапада таго ж году Антані, у гульні з «Пары Сэн-Жэрмэн» атрымаў цяжкую траўму — разрыў крыжападобнага вяз на левым калене, з-за чаго амаль цалкам прапусціў сэзон 2008—2009 гадоў, аднавіўшыся толькі да канца сакавіка. У наступным сэзоне Рэвэер зноў заваяваў месца ў стартавым складзе клюба. За свае выступы ў тым сэзоне Рэвэер быў выкліканы Раймонам Дамэнэкам для ўдзелу на чэмпіянаце сьвету.

8 лістапада 2013 году Ревэер афіцыйна далучыўся да клюб Сэрыі A «Напалі» на правах вольнага агента пасьля заканчэння ягонага кантракту зь «Ліёнам»[2].

Дасягненьні[рэдагаваць | рэдагаваць крыніцу]

Алімпік Ліён:

Асабістае жыцьцё[рэдагаваць | рэдагаваць крыніцу]

У Антані й ягонай жонкі Караліны ёсьць двое дзяцей: сын Лені, які нарадзіўся ў чэрвені 2006 году, і дачка Шэран, якая нарадзілася ў сакавіку 2009 году.

Крыніцы[рэдагаваць | рэдагаваць крыніцу]

  1. ^ Anthony Réveillère. Stade-Rennais-online.com.
  2. ^ Réveillère Joins Napoli. S.S.C. Napoli.

Вонкавыя спасылкі[рэдагаваць | рэдагаваць крыніцу]

Commons-logo.svg  Антані Рэвэерсховішча мультымэдыйных матэрыялаў