Сакаліны (заказьнік)
| біялягічны заказьнік мясцовага значэньня «Сакаліны» | |
 | |
| Плошча | 20,9 га |
|---|---|
| Краіна | Беларусь |
| Геаграфічныя каардынаты | 53°46′53″ пн. ш. 27°35′45″ у. д. / 53.78139° пн. ш. 27.59583° у. д.Каардынаты: 53°46′53″ пн. ш. 27°35′45″ у. д. / 53.78139° пн. ш. 27.59583° у. д. |
| Месцазнаходжаньне | Менскі раён, п. Мачулішчы |
| Утварэньне | раш. Менрайвыканкама ад 29.08.2011 № 7138 |
|
біялягічны заказьнік мясцовага значэньня «Сакаліны» на мапе Беларусі   біялягічны заказьнік мясцовага значэньня «Сакаліны» | |
«Сакалі́ны» — біялягічны заказьнік мясцовага значэньня, які знаходзіцца ў Менскім раёне Менскай вобласьці. Разьмешчаны на землях Мачулішчанскага пасялковага савету і Менскай лесапаркавай гаспадаркі й займае плошчу ў 20,9 га.
Задачы[рэдагаваць | рэдагаваць крыніцу]
- захаваньне й вывучэньне прыроднага комплексу, што ўключаюць асабліва каштоўныя дзялянкі лесу, ў межах якіх знаходзяцца месцы пражываньня дзікарослых расьлінаў і дзікіх жывёл, якія адносяцца да відаў, што ўключаны ў Чырвоную кнігу Беларусі, перш за ўсё ўнікальнага каляніяльнага пасяленьня пустальгі звычайнай[1].
- экалягічнае выхаваньне насельніцтва (правядзеньне школьных экскурсій і акцый па назіраньні за пустальгой, ўлік каштоўных птушак, будаваньне для іх штучнага гняздоўя)
Жывёльны сьвет[рэдагаваць | рэдагаваць крыніцу]
У «Сакаліным» зарэгістраваныя чаротавая жаба, драч, зялёная жаўна і калёнія гнездаваньня рэдкага сокала — пустальгі звычайнай, дзякуючы якой тэрыторыя была аднесеная да ахоўнай.
Залятаюць у лясы заказьніку птушкі, што таксама знаходзяцца пад пагрозай зьнікненьня: палявы мышалоў, сакол-каршачок, шызая чайка. Яшчэ 20 відаў птушак, што жывуць у заказьніку, маюць эўрапейскі прыродаахоўны статус.
Гісторыя стварэньня[рэдагаваць | рэдагаваць крыніцу]
Колькі гадоў таму школьнікамі Мачулішчанскай сярэдняй школы на хвоях былі выяўленыя 6 гнёздаў пустальгі. У той час невялікі астраўны лес, дзе пасяліліся сокалы, плянавалася высекчы з мэтай пашырэньня жылой зоны населенага пункта. Супольная праца школьнікаў, настаўнікаў, а таксама прадстаўнікоў грамадзкае арганізацыі «Ахова птушак Бацькаўшчыны» пры фінансавае падтрымцы карпарацыі Isar, Inc (ЗША) дазволіла стварыць адмысловы заказьнік «Сакаліны».[2].