Ягор Шадзько
| Ягор Шадзько | ||
| Пэрсанальная інфармацыя | ||
|---|---|---|
| Нарадзіўся | 12 траўня 2003[1] (20 гадоў) | |
| Пазыцыя | нападнік | |
| Клюбная інфармацыя | ||
| Клюб | Нафтан | |
| Нумар | 14 | |
| Клюбы | ||
| Гады | Клюб | Гульні (галы)¹ |
| 2023 | Дынама Менск | 0 (0) |
| 2023 | → Лякаматыў Гомель | 31 (7) |
| 2024— | Нафтан | 4 (0) |
|
¹ Колькасьць гульняў і галоў за прафэсійны клюб лічыцца толькі | ||
Ягор Шадзько (нар. 19 верасьня 2003 году) — беларускі футбаліст, нападнік наваполацкага «Нафтану».
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Пачаў займацца футболам у родным Наваполацку. Першым трэнэрам гульца быў Дзьмітры Гаўрыловіч. Пасьля быў у складзе сталічнага РУАР. У жніўні 2020 году далучыўся да менскага «Дынама», дзе гуляў у складзе дублюючай каманды. У сакавіку 2023 году прыяднаўся на правах арэнды да гомельскага «Лякаматыву». Запачаткаваў кар’еру ў Першай лізе 2 красавіка ў матчы супраць «Маладэчна-2018», зьявіўшыся ў стартавым складзе. 23 красавіка адзначыўся першым у кар’еры голам, улучыўшы мяч у браму «Воршы». У наступным матчы, які ладзіўся 30 красавіка, учыніў дубль. Пацярпеў ад дзеяў гульца гомельскі «Паперпрам». Шадзько хутка стаў адным з асноўных гульцоў каманды. У сьнежні зышоў з каманды[2]. У студзені 2024 году далучыўся да «Нафтану»[3], дэбютаваўшы ў Найвышэйшай лізе ў матчы супраць барысаўскага БАТЭ.
Міжнародная[рэдагаваць | рэдагаваць крыніцу]
У канцы 2019 году прыцягваўся да выступаў зборнай Беларусі (да 17 гадоў), дэбютаваўшы ў складзе каманды 24 кастрычніка ў матчы супраць зборнай Вугоршчыны. Першым голам адзначыўся 23 студзеня 2020 году ў матчы супраць зборнай Бэльгіі. У чэрвені 2021 году атрымаў выклік у склад зборнай Беларусі (да 19 гадоў). Запачаткаваў выступы ў складзе гэтай зборнай 2 чэрвеня ў таварыскім матчы супраць зборнай Азэрбайджану. Празь некалькі месяцаў браў удзел у каліфікацыйных матчах да чэмпіянату Эўропы.
Крыніцы[рэдагаваць | рэдагаваць крыніцу]
- ^ а б в https://teams.by/shedko-egor/player-228353/
- ^ Новичков и еще шесть арендованных футболистов покинули гомельский «Локомотив» (рас.) Football.by.
- ^ «Нафтан» подписал контракт с Егором Шедько (рас.) Football.by.
Вонкавыя спасылкі[рэдагаваць | рэдагаваць крыніцу]
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway