Іван Грудзько
| Іван Грудзько | ||
| Пэрсанальная інфармацыя | ||
|---|---|---|
| Нарадзіўся | 27 ліпеня 2004[1] (19 гадоў) | |
| Рост | 183 см[2] | |
| Вага | 74,8 кг[2] | |
| Пазыцыя | нападнік | |
| Клюбная інфармацыя | ||
| Клюб | Славія Мазыр | |
| Нумар | 20 | |
| Клюбы | ||
| Гады | Клюб | Гульні (галы)¹ |
| 2023 | Макслайн | 31 (20) |
| 2024— | Славія Мазыр | 8 (2) |
| Зборныя | ||
| 2024— | Беларусь (да 21) | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Іва́н Грудзько́ (нар. 27 ліпеня 2004 году) — беларускі футбаліст, нападнік мазырскай «Славіі».
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Выхаванец сталічнай футбольнай школы клюбу «Менск». У сакавіку 2023 году прыяднаўся да віцебскага «Макслайну»[3]. Дэбютаваў у прафэсійным футболе 1 красавіка ў матчы Першай лігі супраць «Слоніму-2017», зьявіўшыся ў другой палове сустрэчы і аддаўшы галявую перадачу. Першы гол улучыў 14 красавіка ў матчы супраць «Астраўцу». 24 траўня ў матчы Кубка Беларусі супраць «Новай Прыпяці» ўчыніў хет-трык. Празь месяц зрабіў хет-трык у матчы чэмпіянату, пакрыдзіўшы магілёўскі «Дняпро»[4]. 1 кастрычніка адзначыўся трыма галамі ў сустрэчы яшчэ раз, улучыўшы мячы ў браму «Хвалі». 21 кастрычніка зрабіў галявы дубль у браму «Нівы». Дзякуючы шыкоўнай гульні быў ключавым футбалістам каманды, спыніўшыся на другім месцы ў сьпісе бамбардзіраў Першай лігі. У сакавіку 2024 году зышоў з клюбу[5] і адразу далучыўся да мазырскай «Славіі»[6]. 15 сакавіка запачаткаваў кар’еру ў Найвышэйшай лізе, згуляўшы каля паўгадзіны ў матчы супраць «Дняпра». 28 красавіка, зьявіўшыся на замену, аформіў дубль у матчы супраць койданаўскага «Арсэналу».
Міжнародная[рэдагаваць | рэдагаваць крыніцу]
У сьнежні 2021 года футбаліст атрымаў выклік у зборную Беларусі (да 18 гадоў). Дэбютаваў У складзе каманды 3 сьнежня ў таварыскім матчы супраць зборнай Армэніі, зьявіўшыся на полі ў пачатковым складзе і адзначыўшыся забітым голам. У сакавіку 2024 году футбаліст атрымаў выклік у зборную Беларусі (да 21 году) дзеля ўдзелу ў кваліфікацыйных матчах моладзевага чэмпіянату Эўропы. Дэбютаваў за зборную 22 сакавіка 2024 году ў матчы супраць зборнай Грэцыі[7].
Крыніцы[рэдагаваць | рэдагаваць крыніцу]
- ^ а б в Ivan Grudko // Transfermarkt (мн.) — 2000.
- ^ а б в г д е https://www.fcslavia.by/ru/player/grudko-0
- ^ Нападающий Грудько перешел из «Минска» в «Макслайн» (рас.) Football.by.
- ^ Нельзя выиграть за семь минут. Хет-трик Грудько помог «Макслайну» одержать сверхволевую победу над «Днепром» (рас.) Football.by.
- ^ Лучший бомбардир «Макслайна» покинул команду (рас.) Football.by.
- ^ Второй бомбардир первой лиги стал игроком «Славии» (рас.) Football.by.
- ^ ЕВРО-2025 (U-21). Беларусь обыграла Грецию благодаря голу Мартынова с пенальти (рас.) Football.by.
Вонкавыя спасылкі[рэдагаваць | рэдагаваць крыніцу]
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway