Дацкі праліў
Зьвесткі зь Вікіпэдыі — вольнай энцыкляпэдыі.
Дацкі праліў — праліў паміж выспамі Грэнляндыя і Ісьляндыя. Злучае Грэнляндзкае мора з Атлянтычным акіянам. Шырыня каля 260 км. Найменшая глыбіня на фарватэры 227 м. Уздоўж берагоў Ісьляндыі, з поўдня на поўнач праходзіць галіна цёплай плыні Ірмінгера. Уздоўж берагоў Грэнляндыі з поўначы на поўдзень праходзіць Усходне-Грэнляндзкая плынь, якая круглы год нясе ільды.
