Кумбха Мэля

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
індуісцкая традыцыя
Назва сьвята Кумбха Мэля
Час сьвяткаваньня Макар санкранціМаха шываратры
Абрадавае значэньне купаньне дзеля ачышчэньня ад граху

Кумбха Мэля (ˌkʊm ˈmeɪlə ці ˌkʊm məˈlɑː; на дэванагары: कुम्भ मेला) — масавая індуісцкая пілігрымка да сьвятой ракі, дзе індусы купаюцца дзеля змыцьця грахоў. Адбываецца раз у тры гады ў адным з чатырох месцаў па чарзе: Харыдвар, Праяг (Алагабад), Насік і Удджайн. Такім чынам, атрымліваецца, што Кумбха Мэля вяртаецца ў канкрэтнае месца праз дванаццаць рокаў. Таксама кожныя шэсьць рокаў ладзіцца Ардг (палова) Кумбха Мэля, ужо толькі ў двух з гэтых месцаў — Харыдвары і Праягу. Рэкі, на якіх адбываецца амыцьцё, адпаведна: Ганга (Ганг); сутока («Сангам») Гангу і Джамны; Гадавары; Шыпра.

«Кумбха» на мове гіндзі азначае збан, «Мэля» — кірмаш. Пілігрымка цягнецца прыкладна паўтара месяца. Фэстываль называюць «найвялікшым сходам у сьвеце». Колькасьць прысутных на ім пілігрымаў немагчыма ацаніць навуковым спосабам, і паводле розных ацэнак можа складаць ад двух да васьмі мільёнаў у дзень. Такім чынам, агульная колькасьць наведнікаў за ўвесь час сьвята можа складаць дзесяць мільёнаў, хоць ацэнкі і тут вагаюцца ажно ад 40 да 100 мільёнаў.

У 2013 року Кумбха Мэля пачалася 14 студзеня і адбываецца ў Алагабадзе[1].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Кумбха Мэлясховішча мультымэдыйных матэрыялаў