Лімбург

Адміністрацыйна-тэрытарыяльная адзінка
Лімбург Limburg
Герб	Сьцяг
Гімн: In 't Bronsgroen Eikenhout
Агульныя зьвесткі
Краіна	Нідэрлянды
Статус	Правінцыя
Губэрнатар	Леон Фрысэн (Léon Frissen)
Насельніцтва (2009)	1,122 млн (6-е месца)
Шчыльнасьць	522 чал./км²
Канфэсійны склад	Каталікі (78 %)
Плошча	Суша 2150 км² Вада 58,35 км² (9-е месца)
Месцазнаходжаньне Лімбургу
Мэдыя-зьвесткі
Код ISO 3166-2	NL-LI
Афіцыйны сайт
Дадатковыя мультымэдыйныя матэрыялы

Лі́мбург (па-нідэрляндзку: Limburg) — самая паўднёвая з 12 правінцыяў Нідэрляндаў. Ён знаходзіцца на паўднёвым усходзе краіны і мяжуе з Гелдэрляндам на поўначы, Нямеччынай на ўсходзе, Бэльгіяй на поўдні і захадзе, ды з Паўночным Брабантам на захадзе. Адміністрацыйным цэнтрам правінцыі зьяўляецца места Маастрыхт.

Геаграфія

Плошча тэрыторыі — 2153 км² (9-е месца). У правінцыі месьціцца найвышэйшы пункт краіны — гара Валсэрбэрг (322 м), якая знаходзіцца на нідэрляндзка-бэльгійска-нямецкім памежжы. Увогуле ляндшафт поўдня правінцыі значна адрозьніваецца ад астатняй тэрыторыі краіны, бо тут шмат пагоркаў і ўзвышшаў. Найвялікшая рака — Маас, якая працякае па тэрыторыі ўсёй правінцыі з поўдня на поўнач. Мясцовы нізінны ляндшафт у значнае ступені сфармаваны наносамі гэтае ракі.

Галоўныя месты правінцыі — гэта адміністрацыйны цэнтар Маастрыхт і гарадзкія аглямэрацыі Сітард-Гэлен і Паркстад Лімбург на поўдні і Вэнло на поўначы.

Клімат

Клімат Лімбургу, як і астатніх правінцыяў Нідэрляндаў, належыць да лагоднага марскога тыпу з рэгулярнымі залівамі на працягу ўсяго году. Аднак праз тое, што правінцыя ня мае вялікіх вадаёмаў і адносна значна аддалёная ад мора, надвор’е часам мае кантынэнтальныя рысы: ледзь цяплейшае за іншыя рэгіёны краіны лета і ледзь халаднейшая зіма. Прыкметна тое, што вясна прыходзіць у Лімбург раней за паўночныя правінцыі Нідэрляндаў.

Мовы

Правінцыя мае сваю мову — лімбурскую (па-нідэрляндзку: Limburgs), якая з 1997 году зьяўляецца афіцыйнай рэгіянальнай мовай Эўразьвязу, і таму атрымала права на ахову паводле Главы 2 Эўрапейскай хартыі рэгіянальных моваў. Аднак лімбурская мова не прызнаная нідэрляндзкім, бэльгійскім і нямецкім урадамі на афіцыйным узроўні.

На гэтай мове размаўляе прыкладна 1,6 млн чалавек у бэльгійскім і нідэрляндзкім Лімбургу, а таксама ў Нямеччыне. Існуе шмат дыялектаў у лімбурскай мове, амаль кожная вёска ці мястэчка мае свае асаблівыя рысы.

Вонкавыя спасылкі

 Лімбург — сховішча мультымэдыйных матэрыялаў

• Афіцыйная бачына^{(нід.)(анг.)}
• Мапа правінцыі з кожнай абшчынай і асноўнымі зьвесткамі па абшчынах
• Артыкул пра Маастрыхцкую Дамову^(анг.)