Паперпрам Гомель

	Паперпрам
Заснаваны	2016
Горад	Гомель, Беларусь
Стадыён	Гомсельмаш; Умяшчальнасьць: 3500
Чэмпіянат	Першая ліга
· 2023	13 месца

«Паперпрам» — беларускі футбольны клюб з Гомлю. У 2018 годзе выступаў у Другой лізе чэмпіянату Беларусі. У сэзоне 2023 году «Паперпрам» дэбютаваў у розыгрышы Першай лігі.

Гісторыя[рэдагаваць | рэдагаваць крыніцу]

Каманда была заснавана ў 2016 годзе і спачатку выступала ў футзале. У 2017 годзе «Паперпрам» заявіўся на чэмпіянат Гомлю і зь першай спробы атрымаў у ім перамогу. У канцы 2017 году стала вядома пра намер клюбу заявіцца ў Другую лігу чэмпіянату Беларусі, і ў студзені 2018 году «Паперпрам» афіцыйна адправіў дакумэнты дзеля ўдзелу^[1]. У Другой лізе клюб стаў аўтсайдэрам і ў сэзоне 2018 году заняў апошні 15 радок, здабыўшы толькі дзьве перамогі, у тым ліку адну тэхнічную, і двойчы згуляўшы ўнічыю.

У студзені 2019 году каманда адмовілася ад удзелу ў Другой лізе чэмпіянату Беларусі і перайшла ў чэмпіянат Гомельскай вобласьці^[2]. Празь перафарматаваньне Другой лігі, якая значна павялічыла колькасьць удзельнікаў і прадстаўніцтва абласьцей, у сэзоне 2020 году «Паперпрам» павярнуўся на рэспубліканскі ўзровень^[3].

У пачатку 2021 году «Паперпрам» абвесьціў аб пераходзе на прафэсійны ўзровень, запрасіў дасьведчаных футбалістаў, многія зь якіх выступалі ў Найвышэйшай лізе. Каманда ставіла мэтай змагацца за выхад у Першую лігу, здолела выйсьці ў плэй-оф Другой лігі, але саступіла там на стадыі 1/8 фіналу. Тым ня менш, праз адмовы некаторых клюбаў «Паперпрам» працягваў прэтэндаваць на павышэньне, аднак у студзені 2022 году АБФФ паміж «Паперпрамам» і «Маладэчнам» абрала дзеля ўдзелу ў Першай лізе маладэчанскі клюб^[4]. У лютым 2022 году, пасьля таго як «Крумкачы» адмовіліся ад удзелу ў Першай лізе ў сэзоне 2022 году, гомельскі клюб атрымаў прапанову далучыцца да Першай лігі, але вырашыў застацца ў Другой лізе^[5]. Новым галоўным трэнэрам тады быў прызначаны Аляксей Краўчанка. У сэзоне 2022 году дружына паўтарыла выніка папярэдняга сэзону, саступіўшы на стадыі 1/8 фіналу плэй-оф Другой лігі. Тым ня менш, АБФФ запрасіла клюб да ўдзелу ў Першай лізе. Дэбютны сэзон у Першай лізе прынёс камандзе 13-е месца пры 17 удзельніках.

Склад[рэдагаваць | рэдагаваць крыніцу]

Актуальны на 11 красавіка 2024 году

№	Пазыцыя	Імя	Год нараджэньня
1	Бр	Уладзімер Пяцігорац	1990
3	ПА	Данііл Кавалёў	2001
4	Аб	Дзьмітры Дзенісенка	2001
5	Аб	Кірыл Ялагін	2002
6	Нап	Дэні Макаеў	2001
7	ПА	Кірыл Яшчанка	1994
8	Аб	Аляксей Абрамаў	2000
9	ПА	Эдуард Сімончык	1995
10	Нап	Арцём Міраеўскі	1999
11	Нап	Максім Санец	1997
12	Аб	Арцём Жвірбля	2001
13	ПА	Максім Васпукоў	1999

№	Пазыцыя	Імя	Год нараджэньня
14	Аб	Сяргей Кружылін	2003
17	ПА	Дзьмітры Халімончыкаў	1998
20	Аб	Сяргей Сьлепаў	1999
22	ПА	Даніла Вараб’ёў	2003
23	ПА	Уладзіслаў Драпеза (ар. Гомель)	2001
59	ПА	Арцём Жаўнярэнка	2003
75	ПА	Дзьмітры Велісевіч	1995
89	Бр	Уладзіслаў Зярнаеў	2000
92	Нап	Раман Бурэц	1997
99	Нап	Уладзімер Дуброўскі	2003
—	Аб	Дзяніс Галенка (капітан)	1996

Статыстыка[рэдагаваць | рэдагаваць крыніцу]

Сэзон	Ліга	Месца	Г	В	Н	П	РМ	Пкт	Кубак
2018	Другая	15	28	2	2	24	20–93	8	1/64
2020	Другая — група Б	8	20	7	3	10	29–51	24	1/32
2020	Другая — за 15 месца	16	2	0	1	1	2–3		1/32
2021	Другая — Гомельскі	2	14	11	2	1	41–5	35	1/128
2021	Другая — плэй-оф	9—16	2	0	0	2	1–7		1/128
2022	Другая — Гомельскі	1	18	17	0	1	165–11	51	1/32
2022	Другая — плэй-оф	9—16	2	0	0	2	0–1		1/32
2023	Першая	13	32	10	8	14	45–62	38	1/16