Праблема 2038 году

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Прыклад, які паказвае скіданьне даты а 03:14:08 UTC 19 студзеня 2038 году

Праблема 2038 году ў вылічальнай тэхніцы — чаканыя збоі ў праграмным забесьпячэньні 19 студзеня 2038 году. Дадзеная праблема закранае праграмы і сыстэмы, якыя ўжываюць прадстаўленьне часу паводле стандарту POSIX (UNIX-час), якое ўяўляе зь сябе колькасьць сэкундаў, што прайшлі ад 1 студзеня 1970 году. Такое прадстаўленьне часу ёсьць стандартовым для Unix-падобных апэрацыйных сыстэмаў празь іхняе паўсюднае выкарыстаньне мовы праграмаваньня Сі).

На большасьці 32-бітных сыстэмаў выкарыстоўваецца тып дадзеных time_t для захоўваньня сэкундаў у выглядзе signed int (32-бітнага цэлага са знакам). Найпазьнейшая дата, якая можа быць прадстаўленая гэтым фарматам у стандарце POSIX — 03:14:07, 19 студзеня 2038 году паводле Сусьветнага часу (UTC).

Больш позьні час прымусіць гэтае поле зьвестак стаць адмоўным, нібы закальцаваўшы такім чынам час. Як вынік могуць быць вырабленыя памылковыя разьлікі.

Глядзіце таксама[рэдагаваць | рэдагаваць крыніцу]