Сыдні Кросьбі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сыдні Кросьбі
Sidney Crosby 2013-02-02.JPG
Рост 180 см
Вага 91 кг
Пазыцыя нападнік
Грамадзянства Канада
Дата нараджэньня 7 жніўня 1987 (26 гадоў)
Месца нараджэньня Коўл-Гарбар, Канада
Клюб Пітсбург Пінгвінз
Драфт НХЛ 1 абраны (2005)
Пітсбург Пінгвінз[1]
Гульнявая кар’ера 2005 — цяпер

Сы́дні Па́трык Кро́сьбі (па-ангельску: Sidney Patrick Crosby; нарадзіўся 7 жніўня 1987, Коўл-Гарбар, Галіфакс, Новая Шатляндыя, Канада) — канадзкі хакеіст, цэнтральны нападнік клюбу Пітсбург Пінгвінз, які гуляе ў НХЛ, а таксама ягоны капітан. За «пінгвінаў» быў абраны на драфце ў 2005 годзе пад першым нумарам у первым жа раўндзе. У сэзоне 2006—2007 гадоў, набраўшы ў рэгулярным сэзоне 120 пунктаў (36 галоў і 84 перадачы), Кросьбі атрымаў Трафэй Арта Роса як найлепшы бамбардзір лігі. Ён стаў самым маладым хакеістам у гісторыі НХЛ, якія здолеў гэтае зрабіць[2][3]. У тым жа сэзоне Сыдні, акрамя Трафэя Арта Роса, атрымаў два іншыя найвышэйшыя індывідуальныя трафэі НХЛ — Памятны трафэй Гарта і Ўзнагарода Тэда Ліндсэя, — і стаў толькі сёмым хакеістам у гісторыі, які сабраў за сэзон такую калекцыю[4].

Кіраваны Кросьбі «Пітсбург» двойчы запар выходзіў у фінал Кубка Стэнлі, дзе абодва разы сустракаўся з «Дэтройт Рэд Ўінгс». У 2008 годзе «пінгвіны» саступілі ў сэрыі (2:4), аднак праз год ўзялі рэванш, атрымаўшы перамогу ў сэрыі зь лікам 4:3. На зімовых Алімпійскіх гульнях у Ванкувэры гуляючы за зборную Канады забіў пераможны гол у овэртайме фінальнага матчу супраць зборнай ЗША, стаўшыся такім чынам алімпійскім чэмпіёнам.

Крыніцы[рэдагаваць | рэдагаваць крыніцу]

  1. ^ "NHL Entry Draft Year by Year Results" National Hockey League Праверана 13 жніўня 2013 г.
  2. ^ Динамит по имени Кросби(рас.). championat.ru. Праверана 13 жніўня 2013 г.
  3. ^ Арт Росс Трофи достанется Кросби. nhl.puckzone.net
  4. ^ Sidney Crosby completes rare triple in winning all the major NHL awards(анг.). thehockeynews.com. Праверана 13 жніўня 2013 г.

Вонкавыя спасылкі[рэдагаваць | рэдагаваць крыніцу]

Commons-logo.svg  Сыдні Кросьбісховішча мультымэдыйных матэрыялаў