.su

.su
Уведзены	1990
Тып дамэну	нацыянальны дамэн верхняга ўзроўню
Статус	дзейны
Прызначэньне	для арганізацыяў, якія працуюць на постсавецкай прасторы

.su — нацыянальны дамэн верхняга ўзроўню для Савецкага Саюза.

Дамэн выкарыстоўваецца дагэтуль, хоць Савецкі Саюз ужо спыніў сваё існаваньне.

19 верасьня 1990 году Асацыяцыя карыстальнікаў UNIX (SUUG — Soviet UNIX User’s Group), арганізацыя створаная ў нетрах Інстытута атамнай энэргіі імя І. У. Курчатава, зарэгістравала дамэн верхняга ўзроўню SU для ўжываньня на тэрыторыі СССР. Яна жа выконвала функцыі адміністраваньня дамэну.

У 1993 годзе адміністраваньне дамэну было перададзенае Расейскаму НДІ Разьвіцьця Грамадзкіх Сетак (РОСРІІРОС).

У 1994 годзе рэгістрацыя ў зоне .su была спыненая ў сувязі з узьнікненьнем дамэну .ru.

У 2000 годзе функцыя адміністратара была ўскладзеная на Фонд Разьвіцьця Інтэрнэт.

15 сьнежня 2002 году рэгістрацыя дамэнаў у зоне .su была адноўленая.

Рэгістрацыя ў зоне .su досыць дарагая — 100 USD.

Пошукавая сістэма Google па запыце site:su выдае 8 100 000 вынікаў.

Вонкавыя спасылкі

• Зьвесткі whois для дамэну .su на бачыне IANA
• Статыстыка рэгістрацыі і дэлегаваньня дамэнаў у зоне SU