Гіяцынт Альхімовіч

Гіяцынт Альхімовіч
Дата нараджэньня	1 верасьня 1841(1841-09-01)
Месца нараджэньня	Дэмбрава, Лідзкі павет, Гарадзенская губэрня, Літоўскае генэрал-губэрнатарства, Расейская імпэрыя
Дата сьмерці	27 жніўня 1916(1916-08-27) (74 гады)
Месца сьмерці	Пэрпіньян
Месца вучобы	Віленская гімназія[d]
Занятак	маляр
Жанры	малярства
Плынь	клясыцызм
Узнагароды
Гіяцынт Альхімовіч у Вікісховішчы

Гіяцынт Альхімовіч (па-польску: Hiacynt Alchimowicz, па-француску: Hiacynt/Hyacinthe Alchimowicz; 1 ці 11 верасьня 1840, мяст. Дэмбрава Лідзкага павету, цяпер Шчучынскі раён — 27 жніўня 1916, Пэрпіньян) — польскі, беларускі і францускі мастак у стылі клясыцызму.

Жыцьцяпіс

Нарадзіўся ў шляхецкай сям’і, малодшы брат Казімера Альхімовіча. Скончыў Віленскую гімназыю, дзе між іншым атрымаў пачатковую мастацкую адукацыю. На мастацкае станаўленьне Г. Альхімовіча моцны ўплыў аказала творчасьць вядомага віленскага мастака Канута Русецкага. Разам з братам удзельнічаў у паўстаньні 1863—1864 г., пасьля паўстаньня эміграваў у Францыю, дзе жыў у Пэрпіньяне. Пазьней пераехаў у Парыж, дзе пазнаёміўся з Міхалам Андрыёлі. У 1876 годзе ён быў прызначаны прафэсарам маляваньня ў сярэдняй школе ў Пэрпіньяне, пасьля - у прафэсыйна-тэхнічнай вучэльне й вышэйшай жаночай школе. У гэты ж час у 1876 годзе ў Парыжы знаходзіўся старэйшы брат Гіяцынта Казімер, з парадаў якога ўласна карыстаўся Гіяцынт Альхімовіч у сваім станаўленьні мастаком. За сваю працу ён быў узнагароджаны ў 1892 годзе францускім ордэнам «Offіcіer d’Académіe(fr)». У Францыі ажаніўся з Ірмай Аміэль, у шлюбе нарадзілася двое дзяцей, Эдвіг і Ванда. Гіяцынт Альхімовіч удзельнічаў у шматлікіх выставах жывапісу ў Францыі, дзе ён жыў да сьмерці.

Творчасьць

Акварэліст. Маляваў, у асноўным, пэйзажы, партрэты, жанравыя палотны. Удзельнічаў у шматлікіх выставах жывапісу ў Францыі, таксама выстаўляўся ў Польшчы, у тым ліку: у Таварыстве заахвочваньня мастацтваў(pl) у Варшаве ў 1901 і 1904 гг.

Галерэя

• 
  «Пэйзаж з вадаспадам» Г. Альхімовіча
• 
  «Пэйзаж з мастом» Г. Альхімовіча
• 
  «Пэйзаж з Каліюра» Г. Альхімовіча
• 
  «Порт у Каліюры» Г. Альхімовіча
• 
  «Пэйзаж порту з Каліюра» Г. Альхімовіча
• 
  «Порт у сонцы» Г. Альхімовіча
• 
  «Пэйзаж з Пірэнэяў» Г. Альхімовіча
• 
  «Стары мост у Пірэнэях» Г. Альхімовіча
• 
  «Мост у лесе» Г. Альхімовіча
• 
  «Паеньне асла й малочніца» Г. Альхімовіча
• 
  «Пэйзаж ракі Піке ў Пірэнэях» Г. Альхімовіча
• 
  «Сцэна на пабярэжжы» Г. Альхімовіча
• 
  «Стары мост на рацэ Аглі ў ваколіцах Пэрпіньяну» Г. Альхімовіча

Літаратура

• Mieczysław Treter, w: Polski Słownik Biograficzny. T. 1. Kraków: Polska Akademia Umiejętności — Skład Główny w Księgarniach Gebethnera i Wolffa, 1935, s. 55-56. Reprint: Zakład Narodowy im. Ossolińskich, Kraków 1989, ISBN 83-04-03484-0  (пол.)
• Emmanuel Swieykowski, Pamiętnik Towarzystwa Przyjaciół Sztuk Pięknych w Krakowie 1854—1904, Kraków 1905  (пол.)