Джым Керы

Зьвесткі зь Вікіпэдыі — вольнай энцыкляпэдыі
Джым Кэры
Джым Кэры ў 2008
Імя пры нараджэньні Джэймз Юджын Кэры
Дата нараджэньня 17 студзеня 1962 (62 гады)
Месца нараджэньня Ньюмаркет, Канада
Грамадзянства Канада, ЗША
Месца вучобы
Занятак актор, пісьменьнік, створца карцінаў
Гады дзейнасьці 1980 — цяперашні час
Жанры камэдыя
Бацька Пэрсі Керы[d]
Маці Кэтлін Керы[d]
Дзеці Джэйн Керы[d]
Узнагароды
IMDb ID nm0000120
Сайт Джым Кэры ў сеціве
Подпіс Выява аўтографу

Джэймз Юджын «Джым» Керы (па-ангельску: James Eugene «Jim» Carrey; 17 студзеня 1962, Ньюмаркет, правінцыя Антарыё, Канада) — амэрыкана-канадзкі кінаактор-камэдыянт, сцэнарыст, прадусар, вядомы па фільмах «Маска», «Эйс Вэнтура: Вышук хатніх жывёлаў», «Эйс Вэнтура: Калі кліча прырода», «Тупы і яшчэ тупейшы», «Ілжэц, хлус», «Брус Усемагутны», «Шоў Трумана», «Чалавек на Месяцы», «Вечнае зьзяньне чыстага розуму». Адзін з самых высокааплатных комікаў ЗША. Першая галоўная роля — Марк Кендал ў фільме «Аднойчы ўкушаны».

Уладальнік двух «Залатых Глёбусаў» — за ролі ў фільмах «Шоў Трумана» і «Чалавек на Месяцы», намінант на шэсьць «Залатых Глёбусаў». Уладальнік 11 розных прэміяў MTV Movie Awards, намінант на прэмію BAFTA, а таксама ўладальнік шэрагу іншых прэміяў. Ён таксама атрымаў высокую ацэнку за драматычную ролю Джэфа Пічырыла ў трагікамэдыйным сэрыяле «Жартую». «The Guardian» назваў яго адным зь лепшых актораў, які ніколі не атрымліваў намінацыі на «Оскар»[1].

Не зважаючы на ​​тое, што Кэры больш вядомы дзякуючы ролям у якасьці камэдыйнага актора, ён меў посьпех у драматычных ролях. Ягоная першая драматычная роля вартая ўвагі ёсьць галоўная роля ў зьнятым па тэлебачаньні фільме «Жыцьцё на Мэйпл-Драйв» (1992).

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Джым Керысховішча мультымэдыйных матэрыялаў