Дэпрэсія

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Дэпрэ́сія (па-лацінску: depressio прыгнечанасьць) — нэгатыўны настрой чалавека, самота, прыгнечанасьць.

Зьяўляецца парушэньнем афэкту. Пры працяглым часе гэтага стану (звыш чатырох-шасьці месяцаў) дэпрэсія разглядаецца як псыхічнае захворваньне. Дэпрэсія добра паддаецца лекаваньню, больш чым у 80% выпадках надыходзіць поўнае выздараўленьне, тым ня менш, у цяперашні час менавіта дэпрэсія — найбольш распаўсюджанае псыхічнае разладжаньне. Як правіла, чалавек, які пакутуе на дэпрэсію, пачынае злоўжываць алькаголем (альбо іншымі рэчывамі, якія ўплываюць на ЦНС), сыходзіць «з галавой» у працу. Некалькі навуковых дасьледаваньняў знайшлі статыстычную карэляцыю паміж дэпрэсіяй і некаторымі сельскагаспадарчымі пэстыцыдамі.[1][2]

Праявы[рэдагаваць | рэдагаваць крыніцу]

Хвароба выяўляецца праз сталы сум, раздражненьне і прыгнечанасьць, зьнiжэньне цiкавасьцi і задавальненьня ад справаў, пасiўнасць і стомленасьць пры адсутнасьцi дзейнасьцi, хiстаньнi апэтыту і вагi, парушэньне(en) сну, немагчымасьць засяродзіцца, няздольнасьць прымаць рашэньнi, пачуцьцё безнадзейнасьцi і віны(en), нізкую самаацэнку, думкi пра сьмерць і самагубства[3].

Пераадоленьне[рэдагаваць | рэдагаваць крыніцу]

Чыньнікамі пераадоленьня прыгнечанасьці прынамсі ўзімку ёсьць:

  1. дзённае сьвятло: штодзённыя шпацыры, разьмяшчэньне ў памяшканьні ля вакна, яркае асьвятленьне 2,5-10 тыс. люкс лямпай поўнага спэктру цягам 30 хвілінаў;
  2. рухавасьць: штодзённая зарадка на сьвежым паветры;
  3. ежа: рознакаляровая гародніна і садавіна, тлустая рыба, валоскія арэхі, каляндра, бананы, яйкі, авакада, індычка;
  4. утульнасьць: сустрэчы з сябрамі і сваякамі, забавы, падарожжы, знаёмствы, утульныя адценьні і пахі[4].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]